Thuchah :

DARTHLALANG

Lalkhumtiri,

Chairman Kohhran Hmeichhe Committee

     Inenna’na kan hman thin Darthlalang hi a tangkaiin a pawimawh hle a, mi tinin kan hre theuh awm e. Kan han inen a, a ri lovin kan nihna rang takin min lo hrilh nghal a, kan hmaia thil bal awm te, tihfai ngai leh siam that ngai awm te kan hmu nghal thin, inen lova thiante zinga kan kal a, kan zah ngawih ngawihna tur ang te kan in hmu a, mi zingah lung muang takin kan awm ve theih phah thin Darthlalang a kan in en chuan mahni chiah kan in hmu a, a entu chauh lanna a ni.

Aw le, ringtute hi khawvel a kan awm chhungin Lal Isua hnung zuia a rawngbawl tura a dahte kan ni a. Khawngaihna avangin mi sual leh fel lo te pawh a Kohhran chhungkaw zingah min tel tir a, chanvo leh mawhphurhna hrang hrangte min pe a, tu mah pawimawh bik leh hlu bik awm chuang lovin kan cheng ho mek a ni. Ringtute nuna thil pawimawh tak chu mahni nihna inhriatchian hi a ni. Tu tan pawh mahni nihna inhriat hi a har hle mai. Kan nihna dik tak aia tha hret hi kan inhriat dan a ni fo mai. Keimahni leh kan chhungkaw chanchin te hi thenawm khawveng te hian an hre zawk fo a ni. Kan nihna dik taka miin min sawi han hriat te hian in pawm thlap hi a har duh thin, ‘Ani pawh eng nge a nih bik,’ tih rilruk a awl thin, chhungkaw nunah te, mimal nitin nunhonaah te pawh a ni ang. Hetih hunah tak hian Darthlalang-ah Lal Isua hmanga kan inen vat a pawimawh hle a ni.

Zakaia chanchin kan hria a, Isua hmu tura theipui kunga a lawn khan Isua a hmuh veleh a nihna dik tak a inhmu nghal a, a sum zatve pachhiate hnena pek leh a hlep rukte a leh li-a rulh a tum thu a sawi chhuak ta a nih kha. He thu atang hian mahni in enchiang ila, kan Darthlalang Lal Isua-ah in en ila, tu nge kan hmuh ve le ? Mahni kan inhmu ve em? Nge, kan chhungte leh Kohhran a kan chenpuite em ni kan hmuh ? Leiba rulh tur leh pek chhuah tur tam tak kan nei ve reng lo maw ? Ngaihdam theih loh te kan nei em ? Anin kan sual min ngaihdam avanga chatuan nun nei kan ni si; in enchiang leh teh ang u.

Tin, Petera pawh Lal Isua man zana Puithiam kawt zawl a meilum ai naah Isua a phat khan Isua hmel a va en a, ani’n a lo en bawk, amah a in hmuchiang kher mai, a tan a rinawm zo ta lova, reilote chhunga vawi thum phattu a nih a inhria, a chhuak a, a tap ta zawih zawih a nih kha. Tin, len an deng a, an hlawhchham a, li thuk lam pana len deng tura a tih a, sangha an man teuh tum khan, amah a inhmu chianga Isua kianga bawkkhupin, ‘Lalpa min kalsan rawh misual ka ni’ a ti ringawt mai; a kianga awm ve tlak pawh niin a inhre ta lo. Isua Darthlalang a hmanga entu ten an nihna dik tak an hmu a, an thinlung a puak keh a, an tap a, thil tha ti tura an inpe ang hian, keini Kohhran hote hian Isua kan ena mahni ngei inhmuh ve hi kan va mamawh em! Kohhran ho hmangin Lal Isua kan Darthlalang pho chhuahin a awm a, thinlunga duhna neia entute chuan Isua mamawhtu nih inhriain a hnen an rawn pan ta a nih hi. Kan nitin nunah te, kan chhungkua theuhah te Kohhran hoah te hian tu nge kan hmuh thin, mahni nge mi dang? Lal Isua ena hmuchiangtute chuan atana an thathnem lohzia te, an fel lohna leh tlin lohna te an hmu thin. Paula pawhin tirhkoh zinga te ber a inti, thiamna lamah te chi leh kuangah te chhuan tur a ngah vei nen, Lal Isua Kross chauh lo chu chhuan tur ka nei lo a ti; Baptistu Johana pawhin, a pheikhawk hrui phelh tlak pawh ka ni lo, ani chu tlatlum tur a ni a, kei chu lang tur ka ni a ti. Pathian thu chuan mahni aia midang tha zawk a ruat turin min ti. Kan nitin nunah Lal Isua kan Darthlalang en a, mahni ngei in hmuchiang turin Kohhranho te i inbuatsaih ang u.

Thuziak :

ZU HIAN INTU A MAMAWH!!

:

    Hmanlai atang tawha Mizo-te nuna bet tlat chu zu (alcohol) hi a ni awm e. Kan pi leh pute hunah chuan inleng kawmna atan te, mi huaisen leh tlawmngaite chawimawina hmanrua atan leh Kut ni vangthla- ah pawh a lek lam ber leh a lova an hman ngai loh a ni. Khanglai hunah khan zu avanga buaina leh harsatna an tawh hriattur a vang hle a, an hman tawhna-ah chuan a tangkai zawngin an hmang thin a tih theih awm e. Hetiang khawp hian Mizote nunah hian zu hian hmun a chang thuk em em a ni.

Hun a lo kal zel a, Mizoram pawh Chanchintha in rawn chhun engin Kristian na a rawn lut a, kan Missionary ten kan khawtlang nun leh kan mi zia te hre reng chungin, kan Kristianna-ah hian zu hi kan hmang thiam dawn lo tih hriain sualah min puan sak kan ti lo thei lo a ni. A ni reng lah taka, tun thleng a kan ram a zu in hmun a chan dan leh kan khawtlang nun a nghawng chu sawi tam ngai lovin kan hre theuh awm e. Mi tam takte hriselna tichhiain zu avanga nunna hial chan tawh pawh mi engemaw zat kan awm tawh a ni. Chu mai bakah chhungkaw tam tak a tidarhin a tichhe nasa em em a, chu chuan mi awmtha duh lo leh nun khaw lo tak tak a khawsa thinte a hring chhuak kan ti thei bawk ang. Chuvangin kawng hrang hranga tlak ranna leh tlak chhiatna min thlentu lian tak pakhat chu a ni.

Chhungkaw pa ber maiin zu a ruih bung bung chuan nupui fanauten thenrual hmaah hmai uang taka len a har thin hle a. Khawlaiah pate zu rui kan tawk ang tih mawlh te kan hlau thin a ni. Chu mai ni lovin, Kohhran leh khawtlang thil tihna hrang hrang a active tak a kal tur pawhin mahniah timna tam tak kan nei thin a ni. Hetiang dinhmun a nupui fanaute an din reng lai hian pa tam tak chuan Pathian chu sawi loh, mite hmai eng tak ngial pawh zah zo lovin kan pai leh tiang tiang thin a nih hi maw! Hei hian keimahni mai nilovin chhungkua leh khawtlang hmel kan timawi lovin kan tihmingchhe fo thin a ni tih hi kan hriat a hun tawh hle awm e.

Chuvangin mihring kan nihphung bakin min lan tira, kan sawi duh ngai miah loh leh harhfim tak a kan ngaihtuah chang pawh a kan tih duh ngai miah loh kha zu hian min tih tir fova. Kan zahawmna zawng zawng min lak sakin kan chhung lam leh pawn lam nun min rawk da zo vek thin a nih hi maw! In chhung khawsakna kawngah lah nise tlakranna bak a thlen thu sawi tur a vang khawp mai, chhungkaw mamawh kan leina tur zawng zawng in zawh a ngai zel a, chu chuan a hrinchhuah fo thin chu chhungkaw lungrual lohna leh innghirnghona a ni thin. Chu mai a la ni lo, kan rinna kawngah hian pakhat mahin sawtna leh tangkaina a thlen lo mai ni lovin, Zoram Kristiante kan dak leh kan tluk chhiatna fo pawh, ‘A rui leh tawh a...’ tih hi a ni fo thin. Chuvangin, Mizote-ah hi chuan zu hian kan Kristianna leh kan khawtlang nun nasa takin min eichhia a. Setana hian hmanraw lian takah a la hmang chhunzawm zel a ni. Chuvangin kan zahawmna zawng zawngte kan inchhung khawsaknate leh kan thlarau ngei pawh tihboral-a a awmna tur atan hian ZU HIAN IN TU A MAMAWH a ni!!!

Heng kan sawi hrang hrang atang hian zu hian eng nge keimahah hian nghawng a neih a, kan rinna chungchangah hian eng nge a thatna leh that lohna chu kan hre thei mai awm e. Chuvangin eng nge a rahchhuah tihte hre thar leh a kan hnualsuat a hun tawh hle a ni.

Editorial :

 ` 13.83 man chiah kan sa hman,’ a tih khan kan inkhawm kal hma loh zia a tarlang chiang hle awm e. Tun Thawhtan zan khan kan upa in Thalai inkhawmah hun a nei a. Mi 86 lai ka inkhawm a. Kan upa khan kan Inkhawm luh dan lo chhinchhiahin, tan nan minute 15 a la awmin mi 6... tan dawn minute nga chhungin mi 50 chuang kan lut a ni.Jt Editor

     Nikum August thla khan Kristian Thalai Pawl I.T.I Vengchhak Branch leh Seling Branch te chuan Seling-ah Joint Service kan nei a. A hnu Chawlhni fellowship-ah Joint Service review neih niin, he review huna an sawi tam ber, kan Branch-in Seling Branch te kan entawnna tura kan ngaih pawimawh tak chu ‘Inkhawm kal hma chung changah’ a ni.

     An hruaitu pakhat khan a sawi uar deuh chu a nih kan ring na chungin, ‘Inkhawm dar rik hi chuan inkhawm tur hi chu kan kim tlangpui..’ a ti kha chu kan tan chuan ‘mak’ a tling ve tho mai. Hma kan sawnna tur pawimawh tak, kan mamawh em em a ni a. Kan inenfiahna atan he thu hi kan han thar thawh leh ni se. Kan Branch-in entawn atan kan duh a, mahse kan entawn hlei thei lo chu niin a lang.

     Kan Kohhran Upa pakhatin inkhawm hruainaah, ‘Kan tan hmain hla

     Kal tlai hi kan kalphung ti ila, kan duh chiah lovang. Mahse kan tihdan chu a ni si a. Siamtha turin hruaitute chauh an tawk lo. Kan vaia tang tlanga kan tihtur a ni. Dar hmasa rik hi insiam tanna dar atana hman chuan thlen hma a har thin. Ngaiah kan neih hlen ang tih a hlauhawm a lawm le. In lamah sana kan nei theuh a, theihtawp in chhuah thar te’ng u. -Inkhawm kal hma R. Lalengpuia, News Editor