16.01.2011

Thuziak :

A BUL LEH A TAWP

: RC Vanlalhluna, News Editor

Mizo in thufinga kan neih “A bul tan that hi a chanve zo” ang a ni kan ti thin a. He thu

tawite zirtir nei tha tak hi kan thinlungah a cham reng thinin a rinawm. Mihring rilru leh ngaihtuahnaah he thu hi bet tlatin than hnan ta zel ila, a tak a kan nunpui theih phawt chuan kan nunphung hian hma a sawn hle ang. Mihring nun bul intanna kailawn tak hi a pawimawh in kan uluk a ngai a. Upat hun thleng pawh a kan theihnghilh loh tur kawng dik leh tha naupan lai atanga kan inzirtir ngun a tul a ni.

Rev. D.E. Jones chuan hlain “Zingah Savaten Pathian an faka, Pangparin a ropui zia

a entir a, a thilsiam zawngin Amah an chawimawi, mihring chauh lo chu zirtir an ngai lo” tiin zirtir ngai mihringte kan nihzia a tarlang a. Naupan lai atanga zirtir ngai, puitlin thleng pawh a zir zawh awm thei chuang lo a zir ngai reng mihring te kan ni miau a, mahse chutichung pawh chuan zir chhuah leh a tak a hman hunah pawh zir tur thovin kan inbuatsaih a ngai leh thin.

Pathian thu kan zir a, kan nitin nun leh hun hmannaah atakin kan nunpui leh thei thin lo

hian tih tak zetna kan tlakchhamzia a ti lang fo a. Kan thil tihna kawng hrang hrangah a bul kan tan that a pawimawhin chu chuan hma lam hun pawh a hril thui viau thin. Kum 2011 kum bul kan chuangkai a, kum tluana kan hun hman dan mi mal leh chhungkua anga ruahmanna siam hun lai tak a ni. Ruahmanna mumal leh inkaihhruaina fel tak atangin hmasawnna leh changkanna a kairual thin a. Mi mal ang phei chuan nitin a kan tih tur duan thinna leh ngaihtuahna hian kan nun kal danah thui tak kawng ro a su bawk ang.

Thenkhat tan nun bul intanna leh tawpna hun a nih theih laiin tun hi thenkhat tan chuan

insiam thatna hun tha tak a ni thei bawk. Hma lam hun tur tumahin kan hriat lawk theih loh avangin a tha thei ang bera nun hman hian kan tawpna a tan a kawng sialna a lo ni zel mai. Mihring nunna hi a hlu em em a, chumi piahah chuan mihringte kan hlut leh hlut loh hi he khawvel a kan cham chhung hian  midangte leh keimahni hun hman danin a hril hle thin. Keimahni theuhah kan hlut leh hlut loh te, kan tangkai leh tangkai loh te inteh chhin ta ila kan hre chiang duh viau mai awm mang e.

Thalaite zingah hian vawikhat lo piang chhuak a, mahni induh tawk em em hi thil awm thei tak tur chu a ni. Amaherawhchu, Kristian-te tan kan nunphung tur erawh a ni si lo. Eng ang taka tangkai nge nih kan tuma hun kan hman thin ? Kohhran, khawtlang, chhungkua leh midangte tana chhenfakawm

tak nih hi kan tum a ni em ? Nge mi dang tena an kep leh thawh sak ngai reng kan ni zawk, engtia hun kan hman hian nge kan lo hlut ve a nga, kan tangkai ve ang, tih hi ringtute’na kan inzawh fo a tha hle awm a sin.

Kum bul kan tan mekah hian kan nun leh thil dangah a chhe lai siam tha tu niin, mi dangtetana kawng thar leh tha kawhhmuhtu nih tumin tan la  ila, kan tawpna tur nun tawp lohna chu thlir chungahun kan hman a tul tawh a ni. Pathian thu hi a sawi a sawi mai leh hril zawng a awl thin viau a, kan dawnleh kan chet dante kan nun erawhin a thiam lo thin hi a pawina a ni fo mai. Kan ram hruaitu ten ‘NLUP dawn thleng a lei’ an ti mathlawn lovin. Chanchin Tha dawn thleng keimahni hi kan leiin, kan Kross puta awn leh thin hian kan tawpna tur a ti vai leh ruai thin. He khawvel kan dam chhunga kan zawn tur thu takleh nun tak neih hi mi tinin kan thupui ber ni thei se, mi mal leh chhungkaw tin kan hlim ang a, a va nuam dawn em! “Kan hring nunah hian a bul leh a tawp hian kan dinhmun a hril a, a lai hawl hian insiam thatna atan hun min pe thung a ni.”  “A khawiah hian nge ka awm ?” tiin in zawt teh ang.

Sermon :

KAN HUNTE HI PATHIAN KUTA AWM A NI

:Rev K. Lalpiangthara

Leader, C.K.T.P

1. Kan hun hi Pathian kuta awm a ni:

Khawvela thil hlu dang hi suma lei theih a ni a, hun erawh chu a lei theih loh. Pathianin a siam dan bakah chuan tuman hun hi an nawr hmanhmawh thei lova, tuman an chelh ding thei bawk hek lo. Hengte hian Pathian kuta awm a nih zia a tichiang thin.

2. Hun tha Pathianin min pe :

Kan that bik vang ni hauh lova kum thar kan chuang kai thei te hi a va lawmawm em! Kan chunga Lalpa mit a fuk reng vang a ni e. "Lalpa in Pathian mit chu kum thar atanga a tawp thlengin a fu reng thin," (Deut.11:12) Kan nunna derthawng tak min zuahsak chhan hi atana nung tura min duh vang a ni tih hria ila. Kum dang aia tam zawk atana hman i tum ang u.

3. Tun hun hman that :

4. Pathian tan i inhlan thar ang u :

JC Sterling-a’n, "Thawk thuai la nite a kiam mek e, An eng a reh thuai ang; Hun khirh tak chu a lo thleng mek e, Kan thawk thei tawh lovang." a tih ang hian, Lalpa tan inhmang zel duh mah ila, kan thawh theih loh hun hi a la thleng thuai dawn. Nakinah kan tih chuan kan la muang sual dawn a ni. Mihringte khawhawi hi a tawi em em a. Chutiang a nih laiin kan sawi chian ve theih em em chu ‘kan la thi dawn’ tih hi a ni.

Kan thupuiin a sawi angin kan hunte Pathian kuta awm, kan duha kan thunun ve theih loh a ni a. Kan damchhung hun tawi te hi Pathian tihthinrimnan hmang mai lovin, a tana nung turin i inhlan zawk ang u

Editorial :

KOHHRAN MIPUI

Tun kar liam ta nilai zan Inkhawm a inkhawm hruaitu in Nilai zan thupui ziaktute tana a har turzia a sawina tawngkam, ‘Kohhran mipui engmah Pass lo te leh zirna lama a kaw tawp thleng te ban phak leh zir phaka siam hi har an tih lai ber a ni’ ti-a a sawi kha a dik vuai awm e. Kohhran mipuite nihdan leh nihphung chu kha tawngkam khan a phawkchhuak viau awm e.

Han sawi zui hlek dawn i la. Kohhran mipui mimal tinte hi hi pian leh murna, sei lenna boruak te, chhungkaw khawsak phung te, rilru put hmang te, duh dan te, ngaihdan te, tha tih zawng te, nuam tih zawng te leh engkimah mi hrang theuh awm khawm Pathian avanga hmun khata awm ho a inpawlho thin kan ni a. Hetah tak hian mi pakhat duh dan leh ngaihdan anga kal thui lutuk a fel lo thei anga, ‘Ka ngaih dan leh duh dan hi a tha ber’ ti-a tan khawh tlat a,chuatiang anga Kohhran kaltir tum tlat a fin thlak ber loh maithei.

Mi dangte zai ngaia kan duh dan leh ngaih dan ni lo a nih pawh a kan kal a ngaih chang a awm fo ang. Hetiang hun a lo thlen chang pawha inphahhniam a tul a inphahhniam a, peih lo mah ila tih a ngaih vanga phur taka kan tih ve mai hian Kohhran nih-honaah hian boruak nuam leh tha a thlen phah thin. Inpeng tawn theuh kan ni si a.

Kum thara Lalpa min hruai kaina chhan hi atana inthawina nung leh thianghlim leh a lawm tlaka inhlan tura min duh vang leh kan theih tawk theuhva a rawngbawl tura min duh vang a ni ngei ang. C.C Luther-a hla in - "Thih chu hrehin ka lungngai lo, Chhandamtun min hruai vangin; Mahse ruaka ka tawk tur hian, Min tihrehin ka lungngai," a tih anga kan awm loh nan, chhun a nih lai hian i inhlan thar ang u. Hun tha aiin hun tha lo, hun lawmawm aiin hun khirh takte kan hmachhawn mek niin a lang ta. Hun then dan chi thum a awm a, chungte chu - Hun kal tawh, Tun hun leh Nakin hun tihte an ni. "Tun hi Pathian chan a ni a, ‘nakin’ hi Setana chan a ni" Kan Bible pawhin, "Ngai teh u, tun hi hun lawmawm chu a ni a; ngai teh u, tun hi chhandamna ni chu a ni," (II Kor. 6:2) a tih kha. Mahni ‘tun hun’ hmang thate hi dam chhung chhiar thiam an ni thin. Hun leh tui lianin tumah a nghak lova, a liam zel a. Hun kal tawhah thu kan nei lova, hun lo la kal tur kan ban phak hek lo. Tun hi kan tana Pathianin a dah chu a ni. Kan hman that leh that lohin thlarau khawvel thlenga awmdan tur a hril a. Kan thih dawn darkara kan inchhir lohnan mahni ‘tun hun’ theuh hi i hmang tha ang u. Hun hi Pathianin inzat theuhin min pe a. Hausa leh rethei, upa leh naupang, mi fing leh mi mawl tan a tam hlei chuang lo. Mitin mahni hun hlut thiam leh hmang tangkai thiam apiang an nihlawh mai a ni. Hun hi Pathian kuta awm a ni a. Hun pumpui chu chatuan a ni. Chatuan them te chu mihringin kan lo chang ve a, a rei pawl pawh kum 80 vel a ni a a reina pawh thawhrimna leh lungngaihna mai a ni. (Sam 90:10) Hun kan tehna mila khawsa thei turin ruahmanna kan siam thin. Kan thil ruahman lawk hlawhtlinna pawh Pathian kuta awm tho a ni. "Rilru lo ruahman lawkna chu Mihring chan a ni a, lei chhanna erawh chu Lalpa atangin a ni." (Thuf. 16:1) tih hian a tichiang hle mai! Kan hun Pathian kuta awm a nih avangin a duh dan anga kan hman a pawimawh hle.Sam 31-na phuahtu Davida hian Pathian lalzia leh ropuizia a hrechiang hle a. Engkim chunga roreltu leh thuneitu, hun chunga thuneitu leh a hmelmate lakah pawh chhanhimtu a nih zia hriain, "Ka hunte hi i kutah a awm a. Mi dotute kut ata leh mi tiduhdahtute lakah hian ni chhanhim ang che," tiin Pathian hnenah a tawngtai a ni.