20.02.2011

KOHHRAN LEH A RAWNGBAWL HNA

: Pastor B. Sangthanga

(He thuziak hi ni 17.02.11 (Ningani) zana I.T.I Vengchhak Branch KTP programme ‘Member inhlanthar/Retreat’ huna Bialtu Pastor Paper present a ni a. Kohhran mite’n kan mamawh thuziak a nih avangin ama phalna in kan han chhuah leh a ni.)

KOHHRAN CHU ENG NGE NI?

Kohhran chu Pathian pakhata minung pathum awm ringtu, Isua Krista avanga Chhandamna changtuteinpawlkhawm hi a ni. Pawl thianghlim a ni a, khawvel nun sual laka inthiarfihlim a, nun leh rawngbawlna-a Pathian chu a laipui bera dah tlat tura koh chhuah a ni. Khawvel huap anih avangin ringtu hmuh theih loh, hman a mi leh tun a mi, khawvel hmun tina Kristian-te a huap a, hnam leh vun rawng, hmeichhia leh mipa emaw, retheih leh hausak emaw avanga tumah then hrang leh thliar hrang ngai lo a ni. Pathian lehkha thu rinchhana ding a ni a. Krista’n a Chanchin tha khawvela puan tur leh a thu hretu atana a tirh chhuah a nih ang takin a thawk thin. Hei hi Pathian nung Kohhran, Krista taksa, Thlarau thianghlim In, ram tina englai pawha mi thianghlimte awmkhawmna a ni.

a) Hmuhtheih loh Kohhran :

b) Hmuh theih Kohhran : Huapzo Kohhran hmuh theih chu Kristian thurin pawm, ringtute leh an fate awmna Kohhran chu a ni. He hmuh theih Kohhranah hian Pathian thu puanchhuah a niin, Lalpa sakramen uluk taka buatsaih a ni a, dan leh thununna te vawn leh ken kawh tlat a ni.

India ram Presbytery Kohhran :

India ram Presbytery Kohhran chu Welsh Calvinistic Methodist Kohhran Missionary-ten kum 1841-a Khasi rama rawng a bawl atanga lo intan a ni a. He Kohhran hian Methodist leh Presbyterian inrelbawl dan a la kawp a. Atir atang rengin Chanchin tha hril kawnga thahnem ngaihna leh mipui vantlang rawngbawlna siamsak hi a ze ken bik a ni. Hei vang hian mahni intodelh, mahni-a ro inrel leh mahni ngeia chanchin tha hril thin a ni. Kohhran chu hmuh theih loh chu ringtu dik, hman a mi leh tun a mi leh nakina lo la awm tur zawng zawng te, Krista mo, taksa, thil tinreng tifamkimtu famkimna a ni. Thlarau thianghlimin a tihthianghlim, Krista’n a ropuina a Kohhran hmelhem lo, ropui leh hnehtu ni-a a hlan tur chu a ni.

Rawngbawl hnaah reng reng chuan Pathianin bul a tum thin. Hna a nei a, chumi thawk tur chuan ama finna leh remhriatna hmangin a duh apiang a ko thin. Mak ang reng tak chu hmasang ata tawh Pathian-in mi a koh reng rengin, a kohte’n chhuanlam (complaint) eng emaw an nei fo thin. Entirnan - Mosia, Jeremia, Jona leh a dangte.

Mihring chuan hnialna leh chhuanlamte siam thin mah se, Pathian chuan an phatna a pawmsak ngai lova, a tul angin a tichak zawk thin. Pathian rawngbawl tur hian kan finna leh tlinna lam aiin thuawihna a pawimawh zawk thin. Tum dan leh duh dan neih tlat a awl a, mahse thuawih zel hi hlawhtlinna a ni zawk. Mari’n, "... i thu ang zelin ka chungah thleng rawh se" (Luka 1:38) a tih ang khan keini pawhin tihtheih zel i tum ang u. Chu taka chu Lal Isua;n min duh dan pawh niin a lang. Petera hnenah khan, "... i kutte i phar ang a, midangi an hren sak ang chi-a, i duh lohna lamah an kai ang che," (Joh. 21:18) a ti a ni.

Kohhrana kan rawngbawlnaah hian chanvo leh tihtur hrang hrang kan insiam thin a, heng mawhphurhna hrang hrang thawk tur hian training pawh inpe lem lovin kan inchhawr bawrh bawrh thin. Chu rawngbawlnaa kan hriat tur pawimawh zualte han tarlang thuak thuak ila.

1. Pathian Biak inkhawmah :

1) Chairman ; Inkhawm boruak vawngtu a ni a, a dinhmun a pawimawh em em. Hun hman danah te, a hun leh hmun hman mila tawngkam hmante a pawimawh. Chairman-in a hruai dan a zirin inkhawm boruak a ritin a zang thei viau. Inkhawm pawh kal hma tur a ni.

A hmasa berin inkhawmho chu Pathian be tura sawmna (call to worship) a nei tur a ni a, chutah chuan Pathian biakna thinlung siamsak thei tur Bible chang remchang, chang hnih khat chhiar tur a ni. Mi mal chang lunglen zawng leh thui tak chhiar tur a ni lo.

Chanvo nei turten fel leh zahawm taka an tihtheihnan hun hman dan tur tlangpui puan lawk a tha. Tin, hla kan thlanin a number chauh ni lo, a hla thu tlar hnih khat puan tel hi a chiangin, inhriat sual a awm lova, hla hruaitu tan a tangkai bawk. Inkhawmah hian tantu tur mi hran ruat an awm chuan rin thiam a tha bawk.

Inkhawm chhunga chanvo hrang hrang din, thut, zai, tawngtai, etc. a inchawih tawka zawn thiam te, inkhawm boruak vawn nun te, fel leh zahawm taka kaihhruai leh mite’n Pathian bia kan ni tih an hriat theihna tura vawn tum tur a ni. Thuhriltu sawm ruala hun pum hlan zui aiin a tawp thlenga Chairman-in a vawn hi a tha zawk a, Presbyterian chin dan pawh a ni.

2) Tantu : Tantu hi chanvo sem zaina leh inchherna pakhat a ni. Sermon ang deuh bawkin mi-in a chang lunglen zawng leh chu’ng atanga sawi belh duh a neih te sawina hun a ni ber thin. Tunlaiah chuan Sunday Skul zirtur leh Nilai zan thupui chang tarte chhiarin hun kan hmang thin a, tantu zalenna kan nekchep viauin a lang. Tantu hian zalenna nei reng se, an vei zawng an sawichhuah hi a ngaihnawmin, anmahni leh mi dangte tan pawh a tangkai thin.

3) Thupuan : Thupuangtu dinhmun hi a pawimawh hle. Chairman leh chanvo neitu dangte ang bawka uluk ngai a ni. Tawng hi zir theih a nih avangin tawng dik leh tha hi zir zel tur a ni. Tawng kalhmang dik taka puan, tawi fel leh fiah, ngaihnawm taka puan thiam a pawimawh.(Next Isue-ah chhunzawm a ni ang.)

Thuziak :

I.T.I VENG PASTOR BIAL KOHHRAN HMEICHHE INKHAWMPUI VAWI-2-NA REPORT

:

　

d) Bialin thawktu a chawm zat :

e) Kum 2011-2012 chhunga I.T.I Veng Pastor Bial Kohhran Hmeichhe hruaitu turte:

Pi Lalkhumtiri, I.T.I VCh 6. Pi R.Zochhuani, I.T.I VCh

7. Pi Lalringliani, I.T.I VCh 8. Pi Vanlalchhuangi, I.T.I VCh 9. Pi Lalbiaknii, Bethel 10. Pi Hranghmingthangi, Bethel 11. Pi Thanpuii, Mualpui Bethel 12. Pi K.Nuchhungi, Bethel

f) Bial Finance Report : Ni 13.02.2010 - 31.01.2011 chhunga

Sum hmuh zawng zawng :

Kumhlui balance :

Total :

Hman ral zawng zawng :

Kuta awmzat :

Editorial :

Keyboard thar

    Kan Branch a lo dintirh chhoh khan rual awh a nat em avang in Keybord Rs 40,000/-chuang man lai mai chu ‘Loan’ puk in kan lei a nih kha. Kha kan Keyboard lei kha tunah chuan duhthu a lo sam tak loh deuh avangin hruaituten nikum kum tawp lam khan a thar lei a rel a. Rs 50,000/- chuang man lai mai chu ‘Payment’ ngatin kan lei thei ta a. A lawmawm hle mai.

   A hmasa berah chuan he kan Keyboard hi man to in tha viau mah se, amaha hla rem thei khawp chuan a la changkang tawk lo a, hmettu/tumtu a mamawh a ni. Kan Branch-ah hian hetiang lama zai min han hruai theitu hi kut zung tang thliak in han chhiar dawn mah ila kut ding lam tang pawh kan thliak zo lo ang. He lama rualawhna thu hi kan hruaitute leh mi thahnemngai atang in kan hre ta fo mai .Tuna kan dinhmun thlir hi chuan a rualawh thlak takzet reng a ni. A tui mite leh he lama a tithei awm thalai/tleirawl te pawh kan intuaithar a, he lam kawnga hmantlak leh chhawr tlak ni tura kan inbuatsaih a tul hle tawh awm e.

Kohhran pawl dang a kum upa lam tawh tak pakhat hian Keyboard an lei thar chu, ‘Kan Keyboard chu a la thar tha bawk a, a ring teh mai a nia, mipui zai pawh a hliah vek thei’ tiin a sawi a. He thu hi ngun taka ngaihtuah chuan a nuihzatthlak viau in lang mahse awmzia a nei hle in a lang. Rimawi, zai min puitu, chawmtu tur ni si hi a rin lutuk vang te, a tumtu thiam loh avang te in bengchheng mai leh ninawm, zai boruak tichhe vek theitu pawh a ni ve thei reng mai tih pawh kan hriat a tha viau awm e. Keyboard hi Pathian chawimawina hmanrua atan kan hmang a nih chuan a tumtu te pawhin rawngbawlna pawimawh tak chelhtu kan ni tih kan hriat thar a pawimawh awm e.

　

` 67,566.00` 25,412.00` 92,978.00` 73,736.00` 19,242.00

Chairman : Pi Sangzeli Mualpui Bethel

Vice Chairman : Pi Thanghlupuii I.T.I Vengchhak

Secretary : Pi Rallianthangi I.T.I Veng

Asst. Secretary : Pi Lalmuanpuii Mualpui Bethel

Tresurer : Pi Hmingkhumi I.T.I Veng

Fin. Secretary : Pi Zohmingliani I.T.I Vengchhak

Committee Members:

1. Pi H. Lalbiakhluni, I.T.I Veng 2. Pi Lalrammuanpuii, I.T.I Veng 3. Pi Lalengzauvi, I.T.I Veng

4. Pi Vanchhungi, I.T.I Veng 5.

Kohhran mal-in thawktu a chawm zat : i. Missionary - 7 ii. Hmangaihna Ina naute - 1

i. Missionary - 1 ii. Hmangaihna Ina naute - 1R. Zochhuani, Secretary

I. Agenda Pass-te:

1. Kum 2011 chhung hian Bial huapin Bible chhiar chhuah ni rawh se.

2. Pastor Quarter atan Bialin Budget siam rawh se.

3. Bial chhunga Mashi Jevan Sangh Preaching Station tlawh ni rawh se.

4. I.T.I Veng Pastor Bial huam chhungah nau hnuchham an awm in Bial hminga tanpui ve thin ni rawh se.

5. Bial Hruaitute’n Kohhran tinah ‘Kristian Chhungkua’ tih thupui hmangin Bial chhung Kohhran tin tlawh chhuah ni rawh se.

6. Bial aiawh Palaina report Bial chhung Kohhranah pek kual thin ni rawh se.

7. Tuna Inkaihhruaina Bu kan neih hi ram pumah zaha a theih chen chena zawm tura infuih thar ni se. (Central-a thlen tur)

8. Inkhawmpui lian Committtee member tur (mi pahnih) Bial Committee-in lo ruat rawh se.

9. Central Committee member tur Bial Committee thlan Pi Hmingkhumi anih thu Secretary-in Inkhawmpui min hriattir.

Hetah hian a tlangpuiin chanvo neitu panga an awm thin. Hetiangin :A RAWNGBAWL HNA : Rawngbawltu tih hi sap tawngah chuan mimister/servant tih a ni a. Atirah chuan sakhaw tawng bik a ni lem lo. A awmzia takah chuanchhiahhlawh tihte nen ang khat reng a ni a, a hman pawh an hman pawlh nasa hle. Miin a mi mal hna emaw in chhung sekrek emaw a khawih tur rawih sawi nan hman thin a ni. Hun a lo kal zel a, sakhua-ah la lutin Abrahama te, Isaka te, Jakoba te, Mosia leh Zawlneite, lalte ho kha Pathian rawngbawltu/chhiahhlawh anga sawi an ni. (Gen. 26;24; Ex. 14:13; Deut.34:5, etc) Thuthlung tharah chuan Isua kha Pathian chhiahhlawh anga sawi a ni. (Tirh. 3:13,26; 4:27,30)