24.10.2010 - Branch Huang

#     Ni 14.10.10 zan khan October thla Faith Promise hawn a ni in Thawhtan zan inkhawmah hlan a ni. October thla Faith Promise zat Rs. 12,820 a ni a. September thla Faith Promise aiin Rs. 345 in a pung a ni.

#     Thal Favang Awlimpik

Thal Favang Awlimpik

#     Bial huap Intawhkhawm kan hma November ni ruk chhun leh ni riat zana hman turah inpuahchahna kalpui mek zel a . Kan Branch pawhin chanvo nei tur a kokim thei ang berin ruahmanna siam a ni a, hriattirna pawh sem mek a ni. Chanvo nei tur ten hmuhnawm leh hlimawm zawka kan hman theih nan ilo in puahchah theih ang u. kan hman mek hlawhtlinna hi member tinte kutah a innghat tih hre nawn leh theuh ang u. chu hman mek a ni a. Nimin khan outdoor Games item chi hrang hrang hmangin PUC Ground-ah intihhlimna/inelna hun neih a ni a. Vawiin fellowship-ah hman chhunzawm a ni ang a. Naktuk ni 25.10.10 (Thawhtan) zanah a kharna hun hman a ni ang.

24.10.2010 - Branch Huang

1

2

Thal Favang Awlimpik

3
Bial huap Intawhkhawm kan hma November ni ruk chhun leh ni riat zana hman turah inpuahchahna kalpui mek zel a . Kan Branch pawhin chanvo nei tur a kokim thei ang berin ruahmanna siam a ni a, hriattirna pawh sem mek a ni. Chanvo nei tur ten hmuhnawm leh hlimawm zawka kan hman theih nan ilo in puahchah theih ang u. kan hman mek hlawhtlinna hi member tinte kutah a innghat tih hre nawn leh theuh ang u. Thal Favang Awlimpik chu hman mek a ni a. Nimin khan outdoor Games item chi hrang hrang hmangin PUC Ground-ah intihhlimna/inelna hun neih a ni a. Vawiin fellowship-ah hman chhunzawm a ni ang a. Naktuk ni 25.10.10 (Thawhtan) zanah a kharna hun hman a ni ang. Ni 14.10.10 zan khan October thla Faith Promise hawn a ni in Thawhtan zan inkhawmah hlan a ni. October thla Faith Promise zat Rs. 12,820 a ni a. September thla Faith Promise aiin Rs. 345 in a pung a ni.

24.10.2010 - Editorial

ZAH-AWMNA

     A nawlpui rilru kaihruaitu lian tak pakhat chu Phu tawka zahawm nih kan tumna hi a ni awm e. Mahse a tlangpuiin kan rilru chapona avang hian kan nihna ai hian tlemin hma kan sawn theuh ti ila, kan tisual tam lem lo mai thei. Mahni tawka insehruhna tur te te hi kan pai theuh hlawm a. Amaherawh chu kan zahawmna hi midangah a innghat thui hle si.

     Zahawm ni tur chuan thiamna san lamah te, hnathawh san lamah te hian a innghat thui lutuk lo. Hengho zahawmna hi chu mihring mihrinna lamah ni lovin an thiamna leh an nihna lam kan en saka kan zah thin a. A tlangpui chuan Mawhphurhna hlen thin mite hi chu, eng ang mi pawh nise, tu pawh hian kan en dan hi a dang a. Zahawm nihna tur kawng pawimawh tak a ni ngei ang le!

     Keimahniah hian midang hian beisei an nei theuh a. Chu an beiseina chu a san zawh poh leh kan zahawmna chu a sang ve telh telh a ni thei ang. Mahse chu an beisei hlawhtlinna tur chuan eng mi nge ka nih le?Kan tehna ah hian min teh a, An tlin lohnaah hian kan tling bik ang em le? Kan nihna leh kan zahawmna tehtu chu mi dangte hi an ni. Keimahni inhriat dan ringawt hi chu a ni lem lo.

24.10.2010 - Hun Ruatna

KOHHRAN

Pathianni (24.10.2010)S.S Tantu : Pi Lalngaihawmi
Zirlai 40-na : “Lalpan Israel-te a hrem dawn”ChawhnuZan

Nilai zan (27.10.2010)Tantu : Pu Lalfakzama
Thupui :“Emil Bruner-a hrilhfiah dan”Hawngtu : Pu R Zohluta
Inrinni zan (30.10.2010)Tantu : Pi Lalhlupuii
Tawngtai rual leh rilru sawi

Pathianni (31.10.2010)S.S Tantu : Vanlalchhuangi
Zirlai 41-na : “Pathian Hmanrua - Assuria”ChawhnuZan

KRISTIAN THALAI PAWL
Vawiin Fellowship
Thal Favang Olimpic Programme
Hruaitu : Tv Lalremliana
Tantu: Nl Elizabeth Lalkhawngaihi
Intihsiakna :
1) SMS In-type siak
2) Chhangthawp khai ineisiak
3) Extempore Speech
4) Group Inchhiarna

Ni 25.10.2010 (Thawhtan) zan
Thal Favang Awlimpik kharna programmeA hmun : Sunday school Hall
Hruaitu : Pu F. Lalrinawma Lea
Tantu : Nl Lalruatpuii
Thuchah tawi :
Pu Lalremruata Ralte A/Leader
Khual Special :
Pu. H. Laltlanthanga
Items:
1) Group tin atangin Item special
tak pakhat zel
2) Branch OB te zaipawl
3) Result puan leh lawmman sem
4) Group inchhiar.

KOHHRAN HMEICHHIA
Ni 26.10.2010 (Thawhleh zan)Tantu : Pi Lalronghaki
Thuchah : Pi Lalkhumtiri
Thupui : ‘Kristian Chhungkua’Thusawitu : Pu Hrangzawna SailoTantu : Pi Vanchami
Sawitu : Pu H LalchungnungaThusawitu : Pu R LalbiakvelaTantu : Pi Kawlliani
Thusawitu : Pu Raldochhunga 

24.10.2010 - Article

Tute nge entawn tur?

TU TE NGE ENTAWN TUR

            
                                                                                                       : RC Vanlalhluna

     Lalpa zanriah an sem pawhin a bula mi tihdan ang chiah chiah chuan a ti ve zel a.Inkhawm laia Pastor thusawi pawh engmah a hrethiam lo a, mahse a bula thu pa pakhat awmdan ang ang chuan a awm ve zel a. Nakinah chuan, Pastor chuan thupuan eng emaw hi a nei niin a hria a. Mipuite chuan kut an beng dur dur a,a bula thu chu a va en a, a kut a lo ben ve avang chuan a beng ve a. Pastor chuan thu engemaw a hriatthiam loh chu a sawi leh a, a bula mi chu a ding ta a. Missionary tlangval chu a ding ve thuai a. Chu veleh chuan mipuiho chu an phu mur mur a, an phun ta sep sep mai a. Tlangval chu a han hawi kual a, tumah an lo ding ve hauh lo mai tih a hmuh chuan a thu ta a.

     Inkhawm ban chuan, Pastor chu kawngkhar bulah lo dingin inkhawmhote chu a lo chibai den den a. Missionary tlangval chuan a va chibai ve chuan Pastor chuan sap tawngin " Vala, Spanish tawng i thiam lo tiraw?" a ti a. Chu tlangval chuan, "Ka thiam lo tih a hriat theih em ni?" tiin a zawt let ve leh a. Chutah Pastor chuan, "Aw hriat e, thu ka puan khan Acosta chhungkuaah nau piang thar a awm a, naute pa chu lo ding chhuak turin ka sawm a ni," a ti ta a.

     Pathian mi, mi ropui tak takte, mi hmingthang tak tak te tihdan entawn hi a that hle rualin, tute nge kan entawn tur tih te, eng chenin nge kan entawn ang tih te kan hriat a tul. Tirhkoh Paula pawh khan, "Mi zirtute ni rawh u, kei pawh Krista zirtu ka ni ang bawk hian "(1Kor 11:1) a ti a ni.Kan entawn tur leh kan nun innghahna ber tur chu Isua Krista a ni a, Amahah chauh kan innghah loh chuan mi zawng zawng an thut laiin kan lo ding bik hlauh palh ang e.

PATHIAN TAN I HLU A, I MAWI A NI

     Pathian thusawitu hmingthang tak pakhat hian mi 200 vel punkhawmna ah hian thu a sawi dawn a. A thusawi hma chuan kal khawmte mithmuhah chuan Dollar 20 (India pawisa chuan Rs 1000 ang hu) hi a lek chhuak va mai a. Mipui chuan engtin nge a tih dawn zawh tumin an ban an phar huai huai a.

     Thusawitupa chuan, "Vawiinah hian he dollar 20 hi in zinga mi pakhat hnenah ka pe dawn a ni. Mahse, thil pakhat ka tih phawt a ngai a," tiin chu pawisa note chu a hmer tawm a, a tham chuar vak a. "Tunge he dollar 20 hi duh le?" a han ti a, mipui chuan an ban an phar suau mai a.Tichuan, a pawisa hmer khawr hrep tawh hnu chu chhuatah a paih a, vutah chuan a pheikhawk keartui chuan a rap hrual nawk nawk a, a zawrin a bal ta hle mai a. "A nih leh, tunah he Dollar 20 hi tunge duh in awm em?" a han ti leh a. Mipui engemaw zah chuan kut an la phar fur mai a.

     Thusawitupa chuan ti hian a ti ta a, "Unaute u, vawiinah hian thu pawimawh tak in zir thar a ni. He Dollar 20 note hi engtin pawh tihmelhemin tibal mah ila, a hlutna a bo miau loh avangin in duh a, in iai lo a ni, pawisa a la nih tho avangin. Dollar 20 note thar nen a hlutna a la inzah reng tih in hriat avangin. Kan nitin nunah pawh hian, kan duhthlanna hman sual avang te, kan thuthlukna diklo avangte, leh kan hun tawnin a zir loh avangte in kan nun a hlim lova, a hmelhem a, thlauhthlak leh rahbehin kan awm thin a ni thei e. Amaherawhchu engpawh thlengin eng anga hrualin awm thin mah ila, Pathian mithmuhah chuan kan hlu in kan mawi a ni. Kan fai emaw, kan fel lo emaw, kan zur emaw kan mam emaw pawh ni sela, Pathian mithmuhah chuan ang khat, a thilsiam hlu tak te, a en a, tha a tih em em a te kan ni. Sam 78 - ah pawh khan Pathian chuan ‘A mit naute angin min vawng’ tih kan hmuh kha. Chuvangin, kan thiltih that avanga hlu kan ni lova, Pathianin a bik taka a siam, mihringte kan nih avangin a mithmuhah kan hlu em em vek a ni. Pathian tan I hlu a, I mawi a ni tih hi theihnghilh ngai suh ang che." a ti a. —— Scott Quinn

     Venezuela-a missionary tura lak thar sap tlangval pakhat hi a awm a. An hnam tawng a la thiam lo hle a, thil kalphung hriatthiam loh a la ngah hle a.Vawikhat chu kohhran pakhat hi tlawh a tum a, a kawng a bo hlauh mai a. engtin tin emaw chuan Biak In chu a va thleng ve hlawl mai a. Amaherawhchu, inkhawm chu an lo tan tawh avangin mipui an lo khat hmur tawh mai a. Thutna awl awmchhun, tlar hmasa ber chu a pan chawt a.Tawng te a la hriatchian loh avangin, mite nuihzat a hlawh hlauvin a bul hnaia thu pa pakhat tihdan ang apianga tih a that mai a ring ta a. A bula mi chu a zai leh a zai a, tawngtai tura a din leh a ding ve a, a thut leh a thu ve zel a.

24.10,2010 - Sermon

ZALENNA

: R.Lalduhawma

     Mihring tupawhin a kan thlakhlelh thalai te lek phei chuan kan mamawh leh beisei tlat chu Zalenna hi a ni awm e. Tuma awp beh na hnuaia awm hi kan thlahlel in kan duhthusam ni berin a lang. Ram rorelna huang pawh daia chi leh chi inkar ah pawh bu a khuar bawk a, Kohhran huang chhung thleng pawhin zalenna tha leh dik hi kan beisei leh kan duh leh mamawh ber a ni reng a ni.

    Tunlai zoram khawvel ah ngei pawh rampum leh hnam zalenna chu sawi loh mimal zalenna thlengin kan sawi vawng ta hle mai. Mahni dikna chanvo leh kan zalenna buaipuiin mi tam tak kan hmanhlel ve mek a, mahse kan zalenna leh dikna chanvo kan hriat ang hian midangte chanvo leh dikna hmu thiam ila chuan kan nunhona hi a nuam leh zual ngei ang.

     Zalenna kan duh luat ah hian Kristian ringtu inti te meuh pawh hian dikna hi kan hmu tha duh lo tlat a, kan dik lohnaah pawh dik anga din tlat tum na khawvelah kan chuangkai tlat tawh niin a lang. Caro-a chuan " Mi a dikna ah pawh a ngawih reng theih chuan Pathian a hnaih hle a ni" a ti, Keini hi kan nive em le?

     Kum 1834 khan an ramchhunga Bawi awm zawng zawngte chu an chhuah zalen ta a, America ramah erawh chuan hun rei tak chhung Bawi an nei zel thunga, chutih lai chuan America hmar lam ram Canada chu British kuta awm an ni a, Bawihte chuan zalen nih an duh avang chuan Hmar lam Canada chu a rukin an pan thin a. Bawih tlanchhuak te chuan "Hmalamah Bawih chhuahna a awm e, hnunglam ah Bawih tanna" Bawih neihna ram hnunglam hawi tawh lovin, Hmar lam pan ru, Canada fak rawh u. He hmun hian min ti thar a, Bawih tan kan hlau tawh lovang, British puanzar a phe e, en ru!Zalenna ram a ni" tiin hlim takin an zai a. Lawnglengin an in kar liam suau suau thin anih chu.

     Khawvel kan nun chhung hian Zalenna hi chu a hlu alo ni. Kan thlarau nun zelna tur ngaihtuah thleng lo tan pawh Zalenna hi a hlu a kan buaipui ber pawh a ni mek reng a ni hi. Hetiang khawpa khawvel zalenna pawh kan hlut chuan chatuana kan zalenna tur hi kan ngaihthah ngawt thei dawn em ni? Evi leh Adama bawhchhiatna avangin Setana bawiah kan lo awm tawh a, mahni ngawt chuan kan zalen thei lo a ni tih min siamtu Pathian chuan hriain kan zalenna dar vaw tur in a fapa Isua Krista he khawvelah a rawn tir ta!

     British puanzar phe pawh thlahlel ngawih ngawih tu mihang bawihte zalenna aia ropui leh huapzo Kalvari hnehna puanzar chu mi zawng zawng tan a lo phe ta, a duh apiang tan zalenna pek kan ni ta, a va ropui em! Pathianin zalenna min pek dan hi a mak ngawt nia, a fapa kaltlangin min zalen tir a, chu kan zalenna chu min laksak leh dawn lo reng reng. Amah hmangaih tur leh a rawngbawl tur pawhin min nawr lui lem lo niin a lang. Kan hmangaih let ve a phut a, mahse min nawr lui turin kan nunah a rawn inrawlh chuang hauh si lo.Duhthlang turin min dah zalen mai a ni. Kan duh phawt chuan a duh zawng kalh hlir pawhin kan kal thei a, dik lo nia kan hriat pawh kan thlang thei. Mahse, kan sual mawhphurtu chu Pathian a ni kan ti thei hauh lovang. Pathian chuan sual awm theihna khawvel a siam a. Pathian chuan mihring thlarauvin zalen taka a thlan a, inpawhna zalen tak neih chu a duh ber a ni. Vansangah ni leh arsi te an awmna hmun tur theuhah a dah a. Rannungte pawh an nihphung pangngai angin a siam a. Sakei pawh sakei pangngai piang hmasa ber ang tho an la ni reng a, mahse mihringah erawh chuan thil danglam tak a dah tlat a ni. Chu chu duhthlan theihna min pek hi a ni. Mahse he kan duhthlanna zau tak Pathian min pek hi hmang dik lovin thalaiten thlan loh zawk tur kan thlang fo mai hi kan inenfiah a ngai tak zet a ni.

     Ni e, Pathianin zalenna min pek hi a zauh em avangin kan hmang sual reng a Petera chuan, "Zalenna chu sual khuh nan hmang lo tur leh Pathian bawia awm zawk turin" min hrilh a, sual lama zalen turin Pathianin min chhandam lova, zalen nimah ila Pathian min chhandam dan hian keimahni thu thu a awm turin min ti zalen lo.

     Zalenna dik tak Lal Isua thisen avanga kan chan hi sual rawngbawl san mai mai chi ani lova, a duh zawnga rawng kan bawl theih nan zalenna min pe ani zawk, hei hi kan hmuhfiah a tul tak zet a, sual lak atangin zalenna min pek avangin a rawng chauh bawl tur kan lo nih chu.

     A tawp berah chuan eng bawihah nge tang ni a kan in hriat le? Eng atangin nge zalen kan mamawh le-Khawvel ropuina ,sum leh pai, changkanna bawi atang em ni? Zu leh sa ruihhlo leh nulat tlangval kawngah em ni kan tan zawk le? Chapona leh fing intih riau na bawihah em ni zawk, nge? Thatchhiatna bawih atangin ? Setana hnathawh nun beidawnna leh khawvel mit chakna hrang hrang bawihah zawk em ni le? Heng zawng zawng atang hian Pathian chuan a fapa Isua Krista atangin zalenna min pe tawh a, Galatia Bung 5:1 ah chuan " Bawih nilo turin Krista ah chuan min chhuah tir kha, chutichuan ding nghet ula, Bawih nghawngkawlah chuan tang leh tawh suh u". Kan nun min sal bet tu sual zawng zawng hi min hlih sak vek tawh a ni. Chumi lo rin mai chu nang leh keia duhthlanna tur a ni a, nang leh kei hi pawimawh ber chu kan ni. Kan zalenna atan engkim peih fel a ni tawh a, chuvangin sual zawng zawng laka ta min tlanchhuaktu lam hawi in a rawng chauh hi bawl sauh sauh zawk mai tur kan lo ni e.

Editorial 17.10.2010

     Kumtawp lam kan hawi leh ta to mai le, hun a liam, ni a ral, kumpui pawh a liam leh mai dawn..

     Pathian hruainaa thla tam kan hmanral tawhah, Kristian Thalai Pawlten Pathian malsawmna kan dawng nasa hle mai. Tin, K.T.P rawngbawlna peng hrang hrangah hma kan sawn nasa hle bawk, heng malsawmna leh hlawhtlinna hrang hrang dawng tur hian thalaite hian kut kuangkuahin kan nghak mai bik lova, a dawnthleng nasa takin member-ten kan zauh tlat a ni . Tha, rilru leh sum zawng pawhin member-ten sen kan ui lova, Kan rilru leh tha sen mil zelin hmasawnna leh hlawhtlinna kan dawng kan ti lo thei lovang.

     Kum tawp lam boruak a lo thawt hian thalaite kan rawngbawlna kawng hrang hrangah hian zuai angin kan lang fo thin, thalai tleirawl leh rawlthar deuhte tan lek phei chuan ninawm ang pawhin lan chang a awm fo thin, mahse, heng kan rawngbawlna peng hrang hranga chanvo kan neih ang ang hi kan hlen a tul tlat a ni, heng rawngbawlna kan hmazawna tla huphurhawm tak tak leh peih lo taka ka tih hram hram na hi nakina kan chanchin ngaihnawm lai ber a la ni ang a, Pathian tana hmuhnawm lai ber a ni mek bawk a ni.

Hun Ruatna 17.10.2010

KOHHRAN

Pathianni (17.10.2010)S.S Tantu : Pi Tlanghmingthangi
Zirlai-39 na : “Lal lo awm tur leh a sawrkarna”
ChawhnuTantu : Nl Rodingpuii
Sawitu : Pu B.Lalhmangaiha

ZanThusawitu :Upa V.Lalzawmliana
Thupui : “Remna Palai hna” (NEICC Tawngtai rual ni)
Nilai zan (20.10.2010)Tantu : Nl PC Lalhruaitlluangi
Thupui :“Karl Mark-a hrilhfiah dan”
Hawngtu : Pu Ramthehzauva

Inrinni zan (23.10.2010)Tantu : Pi H Malsawmi
Tawngtai rual leh rilru sawi
Pathianni (24.10.2010)S.S Tantu : Pi Lalngaihawmii
Zirlai 40-na : “Lalpan Israel-te a hrem dawn”
ChawhnuTantu : Pi Kawlliani
Sawitu : Pu Raldochhunga

ZanThusawitu : Pu R Lalbiakvela

KRISTIAN THALAI PAWL

Thawhtan Zan (Ni 18.10.2010)

Hruaitu : Nl Vanlalhmangaihi C/M

Tantu : Nl. JC Vanlalnunziri Elija Gr.

Thusawitu : Pu PC Lalremruata

Bible Chhiarrual: I Joh 3:4-10

(October thla Faith Promise hlan)

Vawiin Fellowship

Hruaitu : Nl Zonunthari Hnamte

Tantu : Nl Lalramhmuaki, El.Gr.

Hun hmangtu :

Nl. C Lalhmingmawii

KOHHRAN HMEICHHIA

Ni 19.10.2010 (Thawhleh zan)

Tantu : Pi Lalhmingliani
Thuchah : Pi Biakliani

Tawngtairual: Missionary leh Member zirlaite tan

Article 17.10.2010

PORNOGRAPHY AND SEX VIDEO : THE PRESENT SCENARIO

: Vanlalrema Vantawl & Laltlansangi Fanai

     Pornography leh Sex Video hi Mizoramah a mikhual lo hle a, bu a khuar nghet tawh hle a ni. Tun hmain ‘Mi hur bu’ tiin chhiar tur hmuh tur a awm fo va. 80’s chhoah Video Casette a rawn lar a, en theihin a awm leh a. Tunah phei chuan Information Technology a than nasat avangin Pornography pawh hi nasa takin a thang a, CD, pendrive leh Mobile phone hmangtein kan inpe chhwng zung zung thei ta a, hei vang hian a darh chak hle. Internet lamah pawh kum hnihkhat kalta lek atang khan pornology source chu duh tawka ngah theihnasite a tam ta. Pornography en chin hian mahni phak tawka sex video lo siam ve mai duhna a thlen thei a ni.

Christianity leh Pornography :

Pornography in Puitling a nghawng dante : Hmeichhiate hi inkhualtelemna atana hmanraw tha tak niin mihringah ngaihtuahna a siam thei a. Pornography hian mihring zahawmna a tibawrhbang a. A bik takin hmeichhiate hi thil, nunna nei lo, duhdan ang anga sawisak kual tur angin a lantir thin a ni. Mihring hlutna a tibo nasa hle. Sum leh hun khawhralna a ni a, ruihtheih thil ang bawka addict theih a ni. Ngaihtuahna leh awmdan, chetzia thlengin min hruai sual thei. Hmeichhia hlutna chu an taksa it awmnaah a innghat niin mihringah ngaihdan a siam thei. Uirena a tihluar bawk. Naupang kum tling lo khawih duhna a thlen a. Tharum thawha dan bawhchhiatna, pawngsualna leh pornography hi a inzawm nghet hle bawk.

Pornography in Naupang a nghawng dante : Naupan laia porn film/mi lem en thin hian Sex hman khawlohna leh kum tling lo a fa neihna a thlen fo thin. An taksa than rual hian an tisa chakna lam pawh hi a thang ve zel a, zirtirna tha leh dik hmuh leh hmuh loh hian Sex hman dik leh dik lohnaah thui tak a hril a ni. An Sexual Orientation atana zirtirna an dawn hian an thanlen chhoh hnua an ngaihdan nasa takin a kaihruai a. Naupan lai atanga hetiang lo en ching chuan mipat hmeichhiatna kawngah duh/kham khawp a hmu lo thei.

Mizoram Dinhmun : Pornography leh Sex Video chungchangah hian research tihtham mumal tak kan ngah lo hle. Sex Video hi engzat chiah nge awm tih finfiah a har hle. Mizo telna ngeia hriat hmuh theih ang ang 70 (Sawmsarih) lai lakkhawm a ni a. Commercial Sex Worker (KS) 36 hmaichhanah kawm a ni bawk. SHALOM chuan kum 2008-2009 khan Sex and Sexuality’ tih hmangin Baseline Survey mi 1813 hnen atangin zirchianna felfai tak an lo nei tawh a. ZALEN chanchinbu chuan August, 2004 khan ‘Internet-ah zahmawh a zalen’ tiin survey an lo nei tawh bawk. Changkanna kawng hrang hranga hmuh theih tur leh kan hmaa a inchhawp chhuah mek lai hian a that lohna lam leh inzirtirna kawngah erwh chuan kan hnufum hle tih a lang thei awm e.

HIV/AIDS case Mizoram-ah a pung nasa hle. January - July 2010 chhunga thisen enchhin 22,507 zingah 757 (3.43%) chuan HIV/AIDS an pai tih hmunhchhuah a ni a. Heng zinga 68.42% chu Sex atanga kai an ni. 1990-2010 chhunga thisen test 1,16,607 zinga 4,846 (4.15%) chu an positive bawk. HIV/AIDS case hi 1% aia a san chuan a tamna hmuna ngaih a ni a, tun dinhmunah chuan kan pel chiang hle.

Khaikhawmna leh Rawtna :

1) Mizo thalaite hi Sex-ah kan inthlahdah sawt hle niin a lang, anmahni bakah zirtirtute lam pawhin an pawm.

2) Sex Video a lan danah thenkhat hi chu hmeichhia tihmualpho tumna rawngkai ni theiin a lang a, fimkhur loh vanga putru a awm bawk.

3) Thalaite hian mumal takin Sex chungchangah hrilhhriatna an dawng lova, a tam berin information Media atangin Sex chungchang hi an hria a ni.

4) Sex chungchang hrilh hre tur hian thalaite hian an nu leh pate tha an ti/an ring ber a. Chutih laiin Kohhran lama inhmangte, lecturer-te chuan mithiam (Professionals) an ring zawk thung.

5) Nu leh pa tam zawk hian an fate hi Sex chungchang sawipui tha ti mah se an sawipui ngam lo.

6) Platform tha tak kan nei a, mhse kan chhawr tangkai tawk lo. Eg. School Curriculum te, Sunday School zirlaiah te etc inzirtir ni se la.

7) Thalaite leh tleirawl/rawlthar rualte tan Sex chungchangah zirtirna mumal kan tlachham hle a. Pathian thu behchhana inzirtirna leh zirtirtu tur kan mamawh hle.

8) Nu leh pa tan Kohhran hian Seminar/workshop buatsaih thin se. Mobile phone, computer leh internet etc, hman chungchangte pawh uar lehzualin inzirtir thin ni se.

9) HIV/AIDS case tam ta lutuk hi a ngaimawh awm hle a. Pornology-in a hrinchhuah zingah a telh loh theih lova. He natna do tur hian Kohhran hian tunlai thalai awmzia(reality) a hre tawk lovin a hriat a, hre tur pawhin a la hmin tawk lo niin a lang. Platform kan neih that ang huin thalaite rilru-a intuh tak tak turin Kohhran hian hmalakna a mamawh.

10) Nu leh pa pawh IT lamah hmasawn tum a tul. Computer dahna hi a ualau lai berah ni thei sela, tichuan sual rawngbawlnan hman a har deuh ang.

11) Pornography entute hi tupawh an ni thei a, anmahni ah pawh nghawng nasa tak a nei thei a ni. Mi hriat hlawh vak lo an ni thei a, Kohhran/khawtlang rawngbawltu an ni thei bawk.

(Mizoram Synod Social Front in dt.26.8.2010, a a buatsaih Seminar cum Workshop on Sex Video & Pornography Paper zir siamrem a chhuah chhawn a ni.)

Pathian thu atanga kaihhruaina kan dawnah chuan SEX hi nupa kara hman tura min pek, nupa nun tinghet tur leh inhmangaihna tipung tur, thianghlim taka hman tura duan a ni a. Pornography erawh chuan tisa chakna phuhruk hi kan dikna leh chanvo niin a lantir a. Inhmangaihna, inlaichinna leh sex hi thil thuhmun angin a lantir a, Kristian kaihhruaina nen chuan a inkalh a ni.

Pathian duhzawng tih - K Mangchhuana (Sermon) 17.10.2010

PATHIAN DUHZAWNG TIH

: K. Mangchhuana

     "A mithmuha a lawm zawng ang apiang Isua Krista zarah keimahniah thawkin, a duhzawng ti turin thil ha tinreng kawngah tifamkim che u rawh se." Hebrai 13:21

     "I ram lo thleng rawh se. I duh zawng vana an tih angin lei a min ti rawh se." Mathaia 6:10

     Kristian chuan Pathian duh zawng tih a chak tur a ni. Chu a duhzawng tih chakna nei thei tur chuan heng a hnuaia kan tarlan atangte hian kan zir a, kan chan ve a ngai a ni.

   1) Pathian nena lendun

   2) Pathian-a ro khawl khawm

   3) Pathian lam en

   4) Pathianin min hmangaih anga hmangaih let ve.

1. Pathian nena lendun : "Mathusela a neih hnu chuan Enoka chu kum 300 chhung zawng Pathian nen an leng dun thin a, fanu leh fapate a nei leh hlawm a." Genesis 5:22

Kristian tak tak hian kan kut pakhat chauhin Kross vawn kan tum a, lehlamin khawvel. Inrinni zanah tlemin kan kristian deuh a, Chawlhni chawhma zawng kan kristian em em a, chawhnu lamah tlemin kan tla hniam leh tawh a. Zanah chuan a rim kan la nam chang chang a. Chuta tang chuan a rim nam chang changin Thawhtanni atanga Inrinni thleng nun kan hmang zui ta thin a ni. Lalpa chuan kan taksa peng te te ah te chauh hian innghah a duh lova, kan taksa pumah hian hmun khuar a duh. Chuvang chuan amah nen chauha leng dun tur chuan Lalpa hian kan taksa puma kan inhlan a phut tlat a ni. Lalpa duhzawng titute chauh lo chu Lalpa nen an leng dun thei lovang.

     "Lalpa, Lalpa mi ti na zawng chu Vanramah an lut lovang. Ka pa, vana mi duh zawng titu erawh chu an lut ang." (Mathaia 7:21)

     Pathian nena lengdun tur chuan amah kan tihlawm a ngai a. Bang lovin a thu kan ngaihven a, kan tawngtai a, amah kan pawl reng a ngai a ni. "Bang lovin tawngtai ula, engkimah lawmthu hril fo rawh u. Chu chu nangmahni lam thu-ah Krista Isua-ah chuan Pathian duh zwng a ni si a." (I Thes 5:17)

2. Pathian-a ro khawlkhawm : "Vanah sulrul leh tuiekin a eichhiat lohnaah, rukruten an reh pawh theih lohnaah chuan in tan rote khawl khawm zawk rawh u." (Mathaia 6:20)

     He khawvela mihring chhiar sen lohte hian khawvela an chen chhungin tisa thilah an inchhek khawm ruih ruih a, sum leh pai, ro tam tak an khawl khawm a. Malsawmtu leh a petu Pathian lam an ngaihthah leh si a. Khawvelah an nun zawng zawngin an tlan a. Chuvang chuan pathian nen an leng dun thei lova, a duh zawng pawh an ti thei ngai lo a ni. Pathian duh zawg titur chuan kan nun zawng zawngah hian amah kan dah pawimawh ber a ngai fo thin.

     "A ram leh a felna zawng hmasa zawk rawh u. Tichuan chung zawng zawng chu a pek belhchhah dawn che u a ni." (Mathaia 6:33)

3. Pathian lam en : "Tin, Isua, kan rinna siamtu leh tifamkimtu lam chu enin, kan hmaa intlansiakna tur awmah chuan chhel takin i tlan zel ang u. Ani chuan a hmaa hlimna awm avang chuan mualphona chu ngainepin kraws chu a tuar a, Pathian lalthutphah ding lamah khian a han thu ta a." (Hebrai12:2)

     Ringtu Kristian inti thenkhatte hian Chunglam Pathian thu aiin dinhmun sang te, nawmsakna te, thiltihtheihnate kan en nasa hle a. Kan rinna siamtu Isua en lo hian, savawm khuai la an sawi ang maiin, maimichhing chungin a thlum tha tha kan hui duak duak a. Duhamna rilru nen kan nitin nun kan hmang ral a. Chhun eng pawh pawi sa zo tawh lovinmahni hmasialna leh duhamnaten kan mit a tidel thin.

Pathian duhzawng titur erawh chuan Isua Krista kan thlir reng tur a ni. Amahah chuan kan innghat tur a ni. Mihring thutiam a hlawhchham thei aSum leh paite pawhin ral hun a nei thin. He lei ro leh ropuinate pawh hian bo hun leh chuai hun an nei thin. Isua Krista chauh hi boral lova, chatuana awmtur chu a ni. Chuvangin kan hmaa intlansiakna awmah hian chhel takin i tlan ang u.

     Kan awmna ;leh kan dinna atang theuh hian Lalpa lam i hawi ang u. Khawvel kan en chuan sualna leh beidawnna kan hmu a. Mihring chak lo leh fel lokan hmu a, tlin lohna leh sualna kan inhmuh siak thin a ni. Lalpa lam kan en erawh chuan ngaihdamna leh beiseina nung kan hmu zel thin a ni.

4. Pathian min hmangaih anga hmangaih let ve : "Krista hnenah khenbehin ka awm ta; nimahsela ka nung a ni; keimah erawh chu ka ni tawh lo. Krista chu keimahah a nung zawk a ni; tin, tunah tisaa ka nung hi rinnaa nung ka ni – Pathian Fapa, mi hmangaiha ka aia inpetu rinnaah chuan." (Galatia 2:20)

     Kristian tam takte kan hlawhchhamna lian tak pakhat chu Pathian leh mi dangte hmangaihna kawngah hian a ni. Mahni hmasial tak leh duham tak kan awm fo thin a ni. Pathian chu kan thinlung zawng zawngin, kan chakna zawng zawngin kan hmangaih tur a ni. Keimahni kan inhmangaih angin kan vengte pawh kan hmangaih tur a ni.

     Pathian duh zawng ti tur chuan amah nena len dun a ngai a, a hnena ro kan khawl khawm a ngai a, amah kan en reng a ngai a, a hmangaih anga hmangaih ve a ngai a ni.

     Pathian min duhna anga vengte hmangaih a, rawngbawlna peng hrang hranga rawng kan bawl hi ringtten kan tihtur reng a ni. Pathian hnena thilpek pek thin pawh hi kan rawngbawlna a ni a, kan tihtur kan ti a ni. Min hmangaih avang hian thilpek tam tak min pe thin si a.

     Pathian leh a thil siamte leh kan mihring pui ngeite hi kan hmangaih tak meuh em? Hmangaihna hi mi dangte thinlung hnehna tha ber a ni. Lalpan a thu malsawm rawh se, Amen.

10.10.10 : Editorial

    

     Zoram khawvelah ngei pawh thawkchhuak lo apiang hian sum leh pai thawhchhuah harsat zia kan hriat loh bakah ren leh sum nachang pawh kan hre ta hauh lo, chhungkuaa a thawkchhuak lo apiang te hi a khawsa nuam nuam kan ni te pawn alang !!

     Ka nun leh hna kawng hrang hrang hi a inzawm tlat avangin thalai ten hnathawh nghet kan nei emaw, nei lo emaw a tul na hmun a tangkai ve thei tur hian hnathawh kawng hrang hrang hi bo lutuk lova thawhthiam zir hi a tul ta hle mai, mizo hmanraw hrang hrang hman leh tah hriam te thlengin thalai mipa ten kan zir thar a tul ta. Tin, hmeichhe lam pawhin inchhungkhur tul mamawh buhthlei, eirawng-bawl, insuk etc .. kan thiam ngei a tul.

     Hnam changkang ten thawk lova ei hmuh hi vanduainaah an ngaih mek laiin, keini chuan thawk lova ei hmuh theih hi malsawmna ang hialah kan ngai hi hnam ral mek zia a ni a. Thalai tamtak te phei chuan kut hnathawh tul kawng hrang hrang hriat loh hi changkanna emaw kan la ti zui, changkanna mawlmang tak a ni.

     Hnahawh tur, hei chu a tenawm, hei chu a zahthlak, hei chu a hahthlak, hei chu a mipa hna lo etc.. ti zel Kristian thalai pawl member kan ni em le??

10.10.10 Branch Huang

8

Thal Favang Olimpik

     1) Ni 23-25.October thla chhung khian Ni 2.10.2010 ni a kan Member pui Nl Lalrinawmi’n min boralsan tak avanga kan hman chhunzawm theih takloh chu hman chhunzawm turin ruahmanna siam a ni.

    2) Kan intihsiakna tur atana Item kan ruahman lawk te tihdanglam a ni lova, kan lo tih tawh te erawh rin nghal a ni ang.

    3) Group Inchhiarna Field ah a tirah leh a tawpah neih a ni leh ang.

   4) He Thal Favang Olimpik hmang tur zawng zawng te Inhnangfakna tur atan Branch Committee chuan Arsa Sawhchiar hnianghnar tawk buatsaih a tum a. Fatu tur hian Krista khawngaihna changtute beisei an ni ang.

   5) A hmun atan hian Pachhunga University College(PUC) Playground dil a ni a, a rem ngei beisei a ni.

   6) Thal Favang Olimpik chhunzawm hun tur leh Eliza Group night a inrual avangin Eliza Group night hman hun tur hi Programme Committee kutah dah a ni.

8 Ni,2.10.2010 (Inrinni) khan Kan Member-leh kan rawngbawlpui Nl. Lalrinawmi D/O Pu C Lalthanga chuan a chatuan ram min lo pan san tak avangin, ITI Vengchhak Branch KTP chuan member boral te ralna hun a lo kal pui tawh thin angin, Dt.13.10.2010(Nilai) zan Inkhawm ban hian khawhar chhungte a ral dawn a . He hunah hi Nl Zodinsang’in a kaihruai anga ralna thilpek pawh a hlan nghal bawk ang. chungchanga Member - te hriattur tul thenkhat te :

HUN RUATNA (10.10.10)

KOHHRAN

Pathianni (10.10.2010)S.S Tantu : Pi Vanlalhruaii Pautu

Zirtur : “Chhinchhiahna pawimawh Immanuela”

Chawhnu

Zan

Nilai zan (13.10.2010)

Tantu : Nl Vanlalhmangaihi
Thupui : “John calvin-a hrilhfiah dan”
Report : Presbytey Palai te atangin
Inrinni zan (16.10.2010)Tantu : Pi PC.Lalhmangaihi
Tawngtai rual leh rilru sawi
Pathianni (17.10.2010)S.S Tantu : Pi Tlanghmingthangi

Zirtur : Zirlai-39 na,

“Lal lo awm tur leh a sawrkarna”

Chawhnu

Zan

KRISTIAN THALAI PAWL

Vawiin Fellowship

Hruaitu : Tv. PS Lalremruata

              A/Secy Eliza Gr.

Tantu : Nl B.Lalmuankimi Is Gr.

Hun hmandan : Ka hla duh zawng (Member te atangin)

Tawngtairual   : Missionary leh Leimin tuarte tan

ThawhtanZan

(Ni,11.12.2010)

Hruaitu : Pu VMS Dawngliana

Tantu : Pu Lalbiakchungnunga Elija Gr.

Thusawitu : Pu Lalremruata Ralte

Bible Chhiarrual: I Kor:24-27


KOHHRAN HMEICHHIA

Ni 5.10.2010 (Thawhleh) zan
Tantu : Pi PC Lalduhawmi
           w/o Pu K.Lalremmawia
Thuchah : Pi H.Malsawmi

Thusawitu :Upa V.Lalzawmliana
Thupui : “Remna Palai hna” (NEICC Tawngtai rual ni)

Tantu : Nl Rodingpuii

Sawitu : Pu B.Lalhmangaiha

Thusawitu : Pu Ralkapthanga

Tantu : Pi Bawizuali

Sawitu : Pu Ramthianghlima

10/10/10 Article (Legal Implications of Sex and Pornography)

LEGAL IMPLICATIONS OF SEX AND PORNOGRAPHY

: C. Lalramzauva Advocate

        Mipa leh hmeichhia te hi in ang lo tak a siam ni mah ila kan ram danpui Article 15 leh 16 na leh dan dang reng rengah pawh hmeichhe nih vang emaw mipa nih vang emaw inenhranna hi khap tlat a ni a. Hetih rual hian hmeichhia hi chak lo leh derthawng zawk an nih avangin an chunga sualna chi hrang hrang laka venhim an nih theih nan Dan a hungna chi hrang hrang siam a ni . Chungte chu Indian Penal Code(IPC) lam atangin lo chhui hmasa ila.

      i) Pawngsual(Rape) : IPC Section 375-ah hian ‘Rape’ chung chang sawifiah a ni a.Mipa in hmeichhia kum 16 hnuailam chu a duh ve reng vang pawh nise ‘Sex’ a hman pui chuan ‘rape’ ani nghal tawp.Kum 16 chin chunglam a nih erawh chuan chu hmeichhia chuan a remtihna anga Sex a lo hmanpui a nih chuan rape ani lo.Amaherawhchu vauzamna vang emaw, a pasal ni lovin pasal anga a inlantir vang emaw rilru chiangkuanlohna vang emaw a ma duhthu reng vang ni lova ruihtheih thilin a tihbuai vanga thiltih chu hriatfiahna nei lova a awmlaiin emaw chu remtihna denchhena sex lo hman pui a nih chuan rape a ni tho a ni.Rape hi sualna rapthlak tak, tualthahna dawttu hial a ngaih anih avangin a hremna pawh a naa kum 7 aia tlem lo, kum 10 thleng emaw damchhung emaw lungin tan theihna a ni.

      ii) Adultery (Uirena) : IPC Section 497-ah chuan hmeichhia, mi nupui a ni tih hre reng chunga a pasal remtihna ni silova chu hmeichhe remtihna ngei pawhin a lo mut pui a nih chuan, chu mi chuan Uirena sual a ti a ni. Kan Mizo Hnam Danah chuan hmeichhia kha a uire a, mahse IPC hnuaiah chuan mipa a uire thung. Uire chu kum 5 thleng lungin tantir emaw chawitir emaw a pahniha inkawp hremna pek theih a ni. A hmeichhia zawk hremna erawhchu a awm lo thung.

    iii) Unnatural Offence : IPC Section 377-ah chuan mipa leh mipa, hmeichhia leh hmeichhia inkawpa nupa anga awmte hrem nan hman thin a ni. Tin, ran nena inpawl pawh a khap bawk. He Dan bawhchhetu chu kum 10 thleng lungin tan tir theihna a ni.

    iv) Pornography : Pornography awmzia chu nawhchi zuar/zawrhna tarlanna a tih theih awm e. IPC Sections 292,293leh 294 te hian he lam pang hawi, tisa chakna tichhuak thei zawng tur ang chi thu ziak chuanna lehkhabu, milem bu, pamphlet, milem-thlalak emaw milem ziah leh a kaihhnawih chi reng reng chuanna/awmna hralh emaw, sem darh leh mipui vantlang ban phak tura dah emaw hralh tura dah emaw, hralh tur emaw, hawh tur emaw, hawh theih emaw, mahni kawl tura lo neih emaw, ram dang ataga lak luh leh ram pawna thawn chhuah emaw, mahni mimal sumdawnna atan lo hman emaw, mipui vantlang hriat/hmuh theih tura a lo puanzar leh theh darh zawnga hmalak emaw thehdarh tir emawte chu a khap bura. Hemi dan hnuaia thiamloh chantir an nih chuan - vawikhat tih sualah kum 2 thleng lungin tan leh Rs.2000/- thleng chawi tir theih a ni a, chumi hnua a ti sual leh a nih chuan kum 5 thleng lungin tan leh pawisa fai Rs.5000/- thleng chawi tir theih a ni. Tin, he thil hi mi tupawhin kum 21 la tling lote hnenah a ti a nih chuan vawikhat tihsualah kum 2 thleng lungin tan leh Rs.2000/- thleng chawitir theih a ni a, chumi hnuah a tisual leh a nih chuan kum 7 thleng lungin tan tir leh Rs.5000/- thleng chawitir theih a ni.Nawhchizawrh chung changa khuahkhirhna chi hrang hrang leh chung dan te chu bawh chhiat a nih a hremna chi hrang hrangte chu, miin a in leh hmunte nawhchizawrhna tur atana lo hmantir/luahtir a nih chuan Sec-3 in a sawi angin tum khatnaah kum khat aia tlem lo leh kum thum thleng tantir Rs.2000/- thlenga chawitir theih a ni a, a vawi hnihna atang chum kum hnih aia tlem lo leh kum nga thleng tantir leh Rs.2000/- thlenga chawitir theih a ni bawk. Tin, Sec-4 ah chuan mi kum 18 chunglam, nawhchi zawrhna atanga sum hmuh a ni tih hre reng chunga, chu sum chu inenkawlna atana hmang leh khawsa a nih chuan kum 7 aia tlem lo leh kum 10 thleng lungin tan tir theih a ni. Section 5-ah hian mi tupawhin mi dang, ama remtihna emaw duh thu vang ni lo pawha nawhchizuar tura a hruai emaw, hruai a tum emaw, chutiang ti tur chuan a fuih emaw anih chuan kum 3 aia tlem lo leh kum 7 thleng lungin-a tan tir leh Rs.2000/- thlenga chawitir theih a ni. Tin, ama duh thu ni lova a lo hruai lui anih chuan kum 14 thlenga tan tir theih a ni ang. Section 6-naah phei chuan tupawh nawhchizuar tura midang ama duh thu emaw duh thu lo pawha nawhchizawrhna in/hmun a lo awm tir tu chu kum 7 aia tlem lo leh dam chhung emaw kum 10 thleng emawa tan tir theih a ni.

(Mizoram Synod Social Front in dt.26.8.2010, a a buatsaih Seminar cum Workshop on Sex Video & Pornography Paper zir siamrem a chhuah chhawn a ni.)

 

10/10/10 : Sermon (Lalpa In Sak ; Hrangzawna Sailo)

LALPA IN SAK

-Hrangzawna Sailo

     " Sipai hote Lalpa chuan heti hian a ti, Heng mite hian, Lalpa insak hun tur chu a lo la thleng love, an ti e, tiin. Tin, zawlnei Hagaia kutah Lalpa thu a lo thleng a; he in hi a ram reng laia nangni, inchung thuah neitea in chen hi a hun em ni ?tiin. Tlangah kal cho ula, thing han la ula, in chu sa rawh u; chu chu ka lawm ang a, chawimawiin ka awm ang, Lalpan a ti. Hmuh teuh in beisei a, ngaiteh u, tlem te alo ni; Inah in rawn thlen a, ka lo chhem bova. Engvangnge ni? tih hi sipaihote Lalpa thuchhuak a ni. Nangni mahni inlam pan theuh va in tlan haw thuai thin a ka in chu a ram der avang a ni." - Hagaia 1:2-4,8,9       "Hnam tin reng ka tinghing ang a, hnam tinreng thil duh zawng te chu a lo thleng ang a, he in hi ropuinain ka ti khat ang, sipaihote Lalpa chuan a ti. Tangkarua hi ka ta a ni a, rangkachak hi ka ta a ni, tih hi sipaihote Lalpa thuchhuak a ni. He in ropuina hnuhnung zawk hi a hmasa ai khan a nasa zawk ang, sipaihote Lalpa chuan a ti: Tin, he hmunah hian remna ka thlen ang, tih hi sipaihote Lalpa thuchhuak a ni."- Hagaia 2:7-9

      Zawlnei Hagaia chuan, Lalpa hnena a dan chu a mi te hnenah chuan a hrilh chhawng a, tihian a sawi a, "Ka In a ram reng laiin engah nge in tha pui pui in sak chu le" a ti a ni. He In a ram reng lai a Lalpa In a chhiat reng laia tihna a ni. A sawi tum chu, an thinlungah Lalpan hmun a neih loh avangin a in sa tur pawhin rilru an seng lo reng reng tih a lang thei.

In chung thuah tih hi ceiling nei kan tih ang hi a ni awm e, tun laia kan tih dan nen a in an leh in an loh chu hriat a harsa, an inchhung te an thuah theih chuan a tha thawkhat hle a ni ang.

      Lalpa In sak ai chuan nawmchenna lam an ngaihsakin, an mahni hmasialna lamah an kal nasa tih chu a lang ani. Tichuan zawlnei chuan Jerusalem mipuite chu Lalpa In sa turin a fuih a, tlangah te, thing han la ula, Jerusalem chhim lam tlangah te chuan In sakna tur thing tha a ngaw khup a ni, chu chu ka lawm ang; tiin Zawlnei hian Pathian Biak In sak chu Lalpa lawm zawng a nih thu a sawi a ni. Tawngkam pawimawh tak ‘CHAWIMAWIIN KA AWM ANG’ tih hi kawng thumin tarlang ta ila. (i) Tihropuiin ka awm ang (ii) Ka ropuina in ka Lal ang (iii) Ka nih dan tur takin chibai buk ka ni ang, heng te hi kan sak chhan Lalpa tan a a In saknaah Lalpa a awm thin. Pathian Biak In a Lalpa a awm chuan a miten malsawmna an dawng thin (Ezekiela 43:5-7)

      Lalpa In sa tura, Lalpan an thinlung a chawhthawh zawng zawngte chu an thawk ta a, chuta an hmalak dan chu chhungkaw puipa te leh hotuten an pek dan chu an pek theih tawpin thawhlawm Ip-ah bawmah an pe a, Rangkachak darik 61,000, Tangka maneh 5000, puithiam silhfen 100, Makedonia ram a mite thil pek thu a Paula’n an theih tawk bak thleng a pe a a sawi ang kha a ni.

      Isua Pathian Biak Inah: Luka 2:37- ah chuan a hming Anni-a ni chuan Pathian Biak In kalsan lovin a chhun a zanin chawnghei te a tawngtaiin Pathian a be thin. (Biak In sak hnatlan a phur teh ang chu thawhlawm Ip-ah Biak In sakna a khung uar ngei ang) Jerusalem a Kut naah a nu leh a pa in an hruai khan haw ve mai lovin Biak Inah zirtirte bulah a awm khawtlai a, a nu leh a pa in an zawng a, engahnge mi zawn ni? a ti. Helai Isua thusawi hian vana a pa nen an inlaichinna thuk zia leh danglam zia a ti lang chiang hle a ni.Tin, keimahniah Kohhran chu a awm kan tih hi a dik ang, chunghote awmna thin tur leh chungte Pathian hmanga Pathian inlarna atan chuan Biak In chu Pathian ruat dan a ni. Pathian thlarau thuneihna a rorel a tul reng a ni.

      Isuan ka pa In a ka awm tur inhre lo vem ni? a tih hian fapa in a pa awmna Biak In chu a ngaina ve zel tih hi chhungtin tan zirtur tha tak a ni ve ang. Mi a hnena Pathian a inhriattirnate chu a In sa turin a phut a, chu mi atan chuan thil phal tur pawhin a ruat a, a hriattirna pawh a dawng thin. Nehemia 2:18, I thovang u khai i din teh tak ang u an ti a. Chutichuan chu hna tha chu thawk tur chuan an kut an ti chak ta thin.

      Tunah hian Pathian kan Biak hona chu Lalpa avangin kan leng ta lo, heng te hi Pathian thatna vang a ni tih hria in, thawhhona tha i nei zel ang u. Thlarau thianghlim zalenna ni mawlh rawh se.Hagaia 2:9-a a sawi, he in inropuina hnuhnung zawk hi a hmasa ai khan a nasa zawk ang ati ang mai khan Lalpa ropui ber mawlh rawh se.Amen

Hun Ruatna (03.10.2010)

KOHHRAN

 

Vawiin Pathianni (03.10.2010)

S.S Tantu : Pi Lalsawiveli

Zirtur : “Grep huan hla leh Israel te sualna”

Chawhnu

Zan

Nilai zan (06.10.2010)

Tantu : Nl Zonunthari Hnamte
Thupui hawngtu : Pu C. Lalhuliana
Thupui : “Augustine-a hrilhfiah dan”
Inrinni zan (09.10.2010)Tantu : Pi Lalsiami
Thusawitu : Tv Zawmsanga Sailo
Pathianni (10.10.2010)S.S Tantu : Pi Vanlalhruaii Pautu

Zirtur : “Chhinchhiahna pawimawh Immanuela”

Chawhnu

Zan

Thusawitu : Pu Ralkapthanga

Tantu : Pi Bawizuali

Sawitu : Pu Ramthianghlima

Thusawitu : Pu A. Chalthuama

Tantu : Pu PC. Lalrinenga

Thusawitu : Pu Laldawla

 

KOHHRANHMEICHHIA

 

Ni 5.10.2010 (Thawhleh) zan

(Ram pum tawngtai tlaivar)

Tantu : Pi Lalhmingmawii
Thuchah tawi : Upa Tluangkhuma Sailo
Thupui : "Hlauh tur diktak hlauh"
(Mat 10:26-36, Rom 13:7)
Tawngtairual : PWF pual

Sunday School Hall ProgrammeDar 9 - 10 pmHruaitu : Pi Lalengkimi
Thuchah tawi : Pu Pakima Sailo
Tawngtai thupui 1&2-na

Dar 10 - 11 pmHruaitu : Pi Lalkhumi
Thuchah tawi : Pu Lalramthara
Tawngtai thupui 3&4-na

Dar 11 - 12 pmHruaitu : Pi Zohmingliani
Thuchah tawi : Pu PC. Lalhmangaihthanga
Tawngtai thupui 5-na

Dar 12 - 12:30 Tea Break
Dar 12:30 - 1:30 amHruaitu : Pi Vanlalhruaii
Thuchah tawi : Pu R.Laltlanliana
Tawngtai thupui 6&7-na

Dar 1:30 - 2:30 amHruaitu : Pi Lathanpuii
Thuchah tawi : Pu R.Hrangdawla
Tawngtai thupui 8-na

Dar 2:30-3:00 am (Refreshment)
Dar 3 - 4 amHruaitu : Pi Hringthanmawii
Thuchah tawi : Pu Thanglawta
Tawngtai thupui 9&10-na

Dar 4 - 5 amHruaitu : Pi Lalkhumtiri
Thuchah tawi : Pu Rokanglova
Tawngtai thupui 11&12-na

He tawngtai tlaivar zanah hian Kohhran mite tel ve turin min sawm a ni.

 

Editorial (03.10.2010)

       Thalai pawlte hian member-bilin intihhlimna hrang hrang kan hmang vak vak hi a tul ber emaw ni le ? Kum laihawl khan kan Branch-in kum sawm kan tlinna (Tin Jubilee) ropui takin kan hmang a. A lawmna pualin Sports item hrang hrang hmangin Group-te inelna hun hlimawm tak kan hmang tawh a nih kha. Kha hunah khan kan duhthusam leh kan nuam tih zawng tak tak hmanga member-te inelna ni vek lo mah se kan hlawkpuina kawng hrang hrangin hmuh tur a awm zui zel. KTP inkhawmah leh Group tinte hmalaknaah ala lang zel.

       Jubilee lawmna kan han zova Seling Branch KTP te nen Joint Service kan han hmang ho leh bawk a. Khang zawng zawng kha hlawk angin lang nghal huau lo mah se, tun thlenga Kohhran Inkhawma thalai te kan lang tam tial tial hi a hlawkna pakhat chu a ni kan ti lo thei lovang.

       Eizawnna nghet leh mumal nei lo a tam zawk Thalai te hi kan ni a, nu leh pa thuhnuai leh thlazar hnuaia a awm kan nih bawk avangin heng KTP programmee hrang hrangte hi chhungkaw tamtak tan chuan ninawm leh hnawk pawh a ni palh thei, Mahse thalaiten nun kawng dik leh tha kan hmuh theihna tur chuan hmanraw hrang hrang hman a tul tlat thin tih hi i hriat pui ang u.

Article (03.08.2010)

AIZAWL THALAITE ZINGA SEX HLUAR DAN CHHUI CHIANNA

(Sex Video, Saruak Thlalak, Call Girl)

Mizoramin kawng hrang hrangah hmasawnna kan dawng ve zel a, Media lamah pawh nasa takin hma kan sawn a ni.Hei hian kan awmdan leh nihphung te pawh nasa takin a sawi danglam a, tuhmaa kan hriat ngai loh thilin hlet a rawn chhuah a, kan hriat phak bakin kan ramah hian sualna hian min luhchilh ni te pawhin a lang a ni.

Nikum lam atang khan Mizo sex video leh kan nulate saruak thlalak, tleirawl leh puitling Mobile phone-ah hmuh tur a awm nual mai a, tlangkamah phei chuan hetiang Mizo Video clippings hi, 500 dawn lai a awm nia sawi a ni.Chhuichian a tul a ni tiin SFEC chuan a rel ta a. Video clippings leh saruak thlalak te lakhawmin, chhuichian a ni a, hemi rual hian Aizawl titi lar tak, nula inzuar te pawh chhui nghal a ni bawk.

RESEARCH (Zirchian) DAN PHUNG:

Research atan hian sex clippings leh thlalak te hi mi chi hrang hrang - dawrkai te, taxi driver te, zirlai te leh ukil-te lo lakhawm tura ngen an ni a.Website lamah pawh zawn a ni bawk. Heng sex clippings te hi uluk taka zirchian anih hnuah - Mizo ngei nia hriat theih hi 50 vel a awm a ni. Hemi rual hian Mizo hmeichhe saruak thlalak lak khawm a ni bawk a, thlalak thenkhat hi Computer (Photoshop) hmanga tih danglam niin a hriat theih a, Saruak tak tak nia lang a awm nual bawk a ni.

1. SEX VIDEO : Sex Video awm te hi hlawm liin a then theih a, hetiangin:

1) 95% hi an mahni duhthu ngeia Mobile phone hmanga lak a ni.Camera pangaia midangin an laksak chu hmuhtheih chinah 2 a awm.

2) Sex video clip te hi hmeichhe remtihnaa lak ni ngeiin a lang bawk.

3) Sex video-ah hian nupa khawsa lai hi pahnih a awm a, hei hi chu nidang en atana lak ni lovin an mahniin a hnua an en atan a lak niin a hriat.

4) Sex video-ah hian naupang kumtling lo lanna te pawh a awm a, a tlangpuiin hetiang lo khawsakpui duh hi vai/hnamdang niin a lang. Naupang pawh hi thil awh vanga in zuar ta nia sawi a ni.

2. NUDE PHOTO (Saruak Thlalak):

1) Thlalak thenkhat hi saruak awmsaah, Computer hmanga an lu belsak mai

2) Khawchhak ho nen kan in an em a vangin an saruak thlalak hi Mizo nula thlalak emaw tih mai a awl hle.

3) Mizo hmeichhe thenkhat chu sum hmanga thlem a Saruaka thlalak sak te.

4) An bialpa ten anmahnni phalna ngeia an saruak thla an laksak, a hnua darh leh ta te.

5) Zu in ruih lutuk avanga chatthla, engmah hre tawh lo thla laksak a awm nual.

6) Sarual ngialngan lo deuh a darthlalanga mahni thla lo la a, thian te pe ta mai an awm bawk.

3. CALL GIRL (Nula inzuar): Rahbi tleu avang leh Ruihhlo avanga in zuar KS kan tih mai bakah Office-a thawk ho zingah pawh an thawmhnaw duhzawng lei nana lo inzuar te an awm a ni awm e. Heng office a inzuarte hi a tlangpuiin pawmlai nei nia hriat an ni. Heng Call Girl te zingah hian eizawnna atana regular tak a in zuar ni lem lova an mit la zawg thawmhnaw lei na atana inzual an awm nual nia hriat a ni. Pawisa neih loh chang chauhva ti an ni tlangpuiin a lang. Tleirawl lamah phei chuan Phone Recharge-na atana lo in zuar mai te pawh awm ni a hriat a ni.

KHAIKHAWMNA:

(Mizoram Synod Social Front in dt.26.8.2010, a a buatsaih Seminar cum Workshop on Sex Video & Pornography Paper zir siamrem a chhuah chhawn a ni.)

He’ng thil tha lo tak hian kan society min tuam ve ta mek a, Kohhran leh Chhungkaw tinte pawn he thil tha lo hmachhawn tur hian nasa lehzuala kan inbuatsaih a tul hle a ni. Chhungkua leh Sunday School-a kan inzirtirnaah te pawh hian tun aia nun luhchilh zawnga hma lak dan awm thei se thil sawt tak a ni ngei ang.

        Chanchin Tha in thinlung a thlak danglam theihzia chu Taxi driver pakhat interview chhanna atang hian a hriat theih awm e, "An number-a kan han dial te hian, ‘A number a thlak tawh a, a ni tawh lo’ tiin min chhang fo mai. Thenkhat lah Camping-ah an lo lut a, an lo piangthar tawh bawk a. Thenkhat lahin an lo duh leh tawh lo bawk a!" tia a sawi hian Kohhranho min cho tho thar sela, hmalakna tur kan ngahzia pawh a lantir bawk awm e.

Sermon (03.10.2010)

KAN MAMAWH BER ISUA

(Amosa 8:11, Johana 4:13)

        Tun tuma kan thupui zirho atan chuan "Kan mamawh ber Isua" tih hi ka’n thlang a. Rilrua awm ang leh chhiartute mamawh tur zawngin kan sawi fuh lovang tih erawh a hlauhawm hle mai. Engpawh nise pakhat talin hlawkna kan chhar chuan a hlawhtlingah kan ngai a niang chu.

        Aw le, Amosa 8:11 kan chhiar chuan, ‘Tam ka tir ang a, chaw tamna ni lovin, tui tamna ni hek lovin, Lalpa thu hriatna tamna zawk chu,’ tih kan hmu a. Kan khawvel nun han chhut hian kan nun theuh hi engemaw ti tak hi chuan a tam a ni. Tichuan kan tamna avang chuan kan nunah hian indo a awm a, keimahni hi indona field chu kan ni a. Kan thian pakhatin a tia lawm, ‘Kan mihring nun hi a der, a lem a ni a, kan hming nen lam hian a der a ni e,’ a ti a.

       Kan ngaihtuah chiang a, dik hmel riau a hriatna kan nei a, Mahmi hming pu zo hi kan awm ang em le? Chutiang ang mihringte kan nih avangin, kan thupui hi a pawimawh ngawtin ka hria a, Isua hi kan mamawh tak meuh a ni. Han hawi zau deuh phei chuan, ram leh ramin remna an zawng a, remna duh ve ve kha a tak ramah chuan an indo rup rup reng a ni. Pathian thu kan en chuan, remna chu dawhkan a sawirem chi nilovin, ke a bun tur a ni. Ke a bun tih awmzia chu remna chu a rah a rah dik tur tihna niawm tak a ni.

       Tichuan, engkim mai hi a mamawhtute tana hlu a ni a, kan thupui a kan hman "Kan mamawhber Isua" tih pawh hi a mamawh lo tute tan chuan a hlu chuang lo. Khawvel hian Isua a mamawh a, mihring hian Isua hi a mamawh tak zet a ni. Kan mamwah loh zawng chu kan thlauhthla thin. Juda Iskariota pawh khan a zirtirtu Isua kha a fawp a, a hmangaih hmel khawp mai, mahse a mantir daih a nih kha, engvang nge? atan a hlu lo tihna a ni.

Chutiang chuan kan Lal Isua ngei pawh kha, he khawvela a len lai pawh khan mi zawng zawng tan khan a hlu chuang lo asin! A ni pawh kha a mamawhtute tan chauh a hlu a ni! A mamawhtute kha tute nge an nih? Mitdelte, Kebaite, Piangsualte natna tinreng tuar tue kha an ni asin! Kan mamawh ber Isua hmufiah thei khawp a Mitdel, Isua pan thei tawh lo khawp a Kebai nasate kan nih kan inhria em? Kan piansualnate kan inhria em le? Isua hi kan mamawh tak zet em le?

        Kan inhriatna danah leh kan in hmuhna dan atang chuan kan mit a del lova, kan ke pawh a bai lovin kan piangsual lo a ni thei e. Unaute u i inhriatna dan leh i inhmuhna dan kha, Lalpa’n a pawmpui che ang em le? Mi thenkhatin Isua kan mamawh ni a kan inhriat dan hi chu ngaihtuah chian a ngai khawpin ka lo hre ve thin. Kan fate kan duh anga an awm theihnan leh, kan nupui/Pasal, kan tu leh fate kan duh dan a an awm theih nan te, mamawh in kan inhre tlangpui thin. Tin, chumai ni lovin mihring a kan la awm chhungin, hrisel lohna leh bawrhsawmnate, harsatna leh buaina kan tawk thin. Chutiang atanga min chhanchhuak tur tein kan mamawh niin kan hre thin! A bak hi chu kan ngaihtuah tam pui lutuk lo ni te hian ka lo hre ve thin a, a dikna tak erawh chu mimalah a chiang ber ang.

        Tumah hi kan sual hrim hrim ringawt in a lang lo, mamawh kan nei a, chu kan mamawh chu kan zawnna kawng erawh chu a inang lo hle a ni. A thenin zu ah kan zawng a, a thenin Drug-ah kan zawng bawk. Khang zawng zawng kha an sual hrim hrim vanga ti an ni chuang lo. An nunin mamawh neiin an hria a, chu chu an zawng a ni. Kawng hrang hrangin kan zawng thin.

        Mihringte hian mamawh chu kan nei tih kan inhre theuh a, mamawh ni a kan inhriat erawh chu a inang lo hle thung a ni. Hlimna atana zu leh Drug mamawh ni a inhriate chu OD in an thi mek a. Tin, nulat tlangvalna kawnga mamawh zawngte pawh AIDS veiin an thi mek bawk tih kan hre theuh awm e. Mithiamte chuan, tun thlenga kan mihring nunin mamawh a zawnna chhan hi ‘Eden sual zungzam vang a ni e,’ an ti a. A dik hmel hle mai.

Mithiamte chuan, khawvel a tuihal a thi tam berte chu Thlaler mite ni lovin Tuipui chunga cheng lawng mite an ni e, an tih tlat chu! Engvangin nge tui hal a an thih? Hun rei tak tuipui chungah an awm a, tui thianghlim in tur an tlachham a, tuipui tui an in lo thei lova, tuipui tui chu a lo al si a, an tuihal a tizual a, an in zel lo thei si lo. Tichuan, an in zel a, an tui hal a zual zel a, tui hal huam huam chungin an thi mai thin a ni an ti. Unaute u, he khawvelah hian khawvel thlahlela thi an tam ber a, khawvel thlahlela chen duhte hi khawvelah duhtawk hmu lova thi vek tur an ni. Lawng mite tuihala an thi tam ber angin, Drug tih ching te chu Drug chakin an thi tam ber dawn a. Chutiang zelin thil dangah pawh..

       Kan nun hian tuihalna engemaw tak a nei theuh a. Kan tuihal rehna tur kan zawn dan leh kan zawnna hmun hi a dik loh avangin kan ram, kan khawtlang, chhungkua leh mimal nun thleng pawh in a rum mek a. Unaute u, nang leh kei hian khawvelah hian Lal Isua tel lo chuan tuihal rehna hi kan hmu dawn lo. Tuihal reh a hnekin tuihal zual zelna bak chu hmuh tur kan nei dawn lo. Kan mamawh hi i ngaihtuah chiang ang u. Kan mamawh ber chu Isua a ni a, Isua nilovin thildanga mamawh kan zawn chuan, fak hla siamtuin a sawi "Aw Lalpa, khawvel a tuikhur chawi turin ka tlan a, mahse a tui ka in thei lo, thihna tur a lo ni" a tih kha kan chan tur chu a ni.

       Tunah hian kan thupui hi ngaihpawimawh loin kan inngaihtuah tha duh lo pawh a ni mai thei. Kan hnukchah dawn darkarah chuan he thupui pawimawhna hi chu kan chiang tawh ngawt ang. Mahse maw! a tlai ang tih ava hlauhawm em. Tunah hian kan mamawh ber Isua’n min kohna leh sawmna hi kan hlamchhiah a nih ngat chuan koh luihna ri kan la hre dawn tho si, kan tlai palh ang e.

        I han in enchiang teh ang aw, he khawvelah hian hlimna leh nawmchenna tur a awm emaw kan ti a, kawng hrang hrangin chu’ng chu kan mamawh emaw tiin kan dap a, kan um fo thin. Mahse he’ng hian atawpah thlamuanna min pe em? Thihna kut vawt in min man hunah min chhan thei ang em le? I belh khawvel parmawina leh hlimpui em em ni a i hriat thin khan i rilru hahna leh manganna lakah a chhawk thei che in, i hnuk chah dawn darkarah a tanpui thei chein, i thlamuanpui tak meuh em? Ngaihtuah chiang rawh. A chhanna awm chhun chu "THEI LO" tih hi a ni. A chhanna dang kan hria em le? I hre lo a nih chuan eng nge i mamawh nia i hriat ngaihtuah chiang ang u.      Kan mamawh ber Isua pan thei hun kan la neih lai hian, kan tuihal rehna leh tamna rehna dik tak tur Isua hi i pan ang u. Kan pan a, kan lo nei tawh a nih pawhin hnaih lehzual turin i inbuatsaih thar ang u. Isua chauh hi a ni tuihal rehna leh kan mamawh chhanna diktak chu. Kan mamawh ber Isua kan pan a kan neih a, mite tana malsawmna kan nih vek theihnan. Lalpa’n a thu mal sawm rawh se, Amen

Hun Ruatna (26.09.10)

S.S Tantu : Pi Lalfakawmi

KOHHRAN

Vawiin Pathianni (26.09.2010)

Zirtur : "Juda-te leh Jerusalem chunga Pathian rorel"

Tantu : Pi PC Lalrinliani

Thupui :"Inneihna hi damchhung thil a ni"

Sawitu : Pu Lalhmuaka

Thupui : "Nupa Inthen pawi zia"

Zan

Thusawitu : Upa H.Roenga

Inrinni (02.10.2010)
Tantu : Pu K Lalchhanhima
Thusawitu : Pi Lalkhumtiri

S.S Tantu : Pi Lalsawiveli

Zirtur : "Grape huan hla leh Israel-te sualna"

Chawhnu

Tantu : Pu PC Lalrinenga

Thusawitu : Pu Laldawla

Thusawitu : Pu A Chalthuama

Zan

October thla chanvo neite :Chairman : Upa Vanlallawma
Zai hruaitu turte (Ni 1-15) :
1) Pu Ralkapthanga
2) Pu Samuel Lalzarmawia

Beihrual Programme

27.9.10(Thawhtanni)

28.9.10(Thawhlehni)

Tantu : Tv Vanlalzuata Hnamte

Thupui : "Chhungkaw inlaichinna tha"

Hawngtu: Pi Thanghlupuii

29.9.10(Nilaini)

Tantu : Nl Laltlanthangi

Thupui : "Hnamdangte nena inlaichinna tha"

Hawngtu: Pu Vanlalnghaka

30.9.10 (Ningani)

Tantu : Nl Helen Vanlalruati

BEIHRUAL KHARNA - RILRU SAWI

Tantu : Tv Lalremsiama

Thupui : "Kristian chhungkua leh hnathawh"

Hawngtu: Pu PC Zoramliana

Pathianni (03.10.2010)

Sept.Pathian Ram ip

September Pathian Ram Ip

Pathian Ram    :
Ramthar          :
Tualchhung     :
Biak Insakna   :
Chawmna       :
Krismas          :
Buh tham       :
Total             : ` 65,830 /-` 44,860 /-` 35,570 /-` 1,59,180 /-` 21,000 /-` 6260 /-` 18620 /-` 345060 /- ` (+) 1,02,808/-Ip lut zat         : 165/205 (80.48%)

August khumna/phak lohna (+/-)

1) Ip lut    : (+)3

2) Pawisa :

Editorial (26.09.10)

      Zoram pumah Presbyterian Kohhran mai bakah Kohhran hrang hrangten Beihrual kan hman mek chu a hmawr kan bawk hnai ta hle mai. Kum kal tawhte leh kumina kan thupui zir mek te han thlir pawh hian Zoram-a Kohhran lian ber Beihrual thupui leh thu ken te hian Zoram mipuite, rinna kawngah te, kan nitin nunah hmasawnna min chhawpchhuah sak thin hle. Zoram mipui nun leh sukthlek her danglam tir bawih theitu a lo ni thin reng a ni.

      Kumin-ah pawh Chanchintha hril tura Isuan thu min pek avanga hril ngei tur kan nihna atangin, hril dan hrang hrang, ringtu zawng zawng ten kan awmhmuna a tanga kan hmasawnna tur thlenga zirin, Pathian thlarau pawlna leh a puihna hi kan hmachhuan ber tur a nih laiin mawlmang lutuka rawngbawl erawh ring lo mite karah chuan a him lova, kan kristianna hum thei tura ringlo mithiam tak tak te cho phaka kan thiam ve a tul thu te, chumi thiamna ka puakchhuah ngei theihna tura atan zirna kan tih hmasawn dan tur thlengin.

      Tin, Kristian chhungkaw hapta-ah lah, Chhungkaw pawimawhna hrang hrang leh inneih sawngbawl dan leh Kawppui zawn thlengin kan haidarh tlang a,Khawtlang a lo thianghlima Kohhran a lo ngelngheh deuh deuh theih nan chhungkua a bul tan a tul thu te nen, Kohhran ho, a te ber atanga lian ber, hausa ber leh rethei ber, Zawnglai te leh kawppui nei tawh te tan pawha tangkai hmasawnna tur hlir kan zir mek hian kan Kohhran -ah hian awmzia nei ve ngei se tih hi zirtu zawng zawng ten kan tawngtaina ni thei se...

Article (26.09.10)

INCHEINA HI

: C. Lalhmingmawii

      ‘Incheina’ han tih hian thenkhat chuan kan ngaihven nghal viau mai thei e. Tunlai khawvelah incheina hian mihring nun hi a luah hneh ta em em mai hi chu a chang chuan a buaithlak deuh thin chu a ni. Hmeichhe ho phei hi chu kan buai zual a, programme eng emaw hlek a awm dawn te hian inchei dan tur rilruah a lo lang hmasa thin. ‘Engtin nge ka perform ang?’ tih lam ai chuan ‘Engtin nge ka inchei ang aw?’ ti hmasa thin hi atam zawk kan ni mai thei. Engpawh ni sela kan incheina hian engmaw chenah kan nun a kaihruai thin tih hi chu hriat reng a pawimawh khawp mai.

        ‘Chhungril nun mawi hi kan incheina tur dik tak chu a ni’ an ti fo thin a. A dik ka ti khawp mai. Chhungril nun mawi chu a hai thei loh reng reng. ‘Mitmeng in dawt a sawi ngai lo’ an ti thin a, mi rilru tha chu an mitmengah kan thla a muang nghal thin. Tunlai hian mahni nihna lo ang taka inchei ching a bikin hmeichhiate zingah kan awm ta zauh zauh mai hi pawi ka ti! Hmeichhe thenkhat chu nu hmel tak a inchei, a ruka lo intipa tlat an awm thin tih thian thenkhatte hnen atangin ka hria a, a pawi ka ti ngawt mai! Two wheeler kan uar em em tak hnu phei hi chuan a hluar lehzual ni awm tak a ni. Incheina hmanga midangte bum chu Pathian huat zawng tak a nih a rinawm. Hmeichhia nih chuan hmeichhe rilru dik tak pu chunga inchei thin hi Siamtu chawimawina pakhat a nih ka ring a. Tin, mipa lam pawh mipa inchei dan tur pangngai ang a inchei mai kha a tawk em em a, a zahawm a ni.

        Tunlai khawvelah incheina hian min chiah hneh ta lutuk deuh em aw ka ti thin. Saruaka awm tur tihna lam chu a ni lova. Amaherawh chu nalh loh hi kan hlau ta lutuk deuh lo maw. Mi thenkhatte thiam taka a inhmeh lai tur zawng zawng inmil thlap a an han inchei hi chu hmuh an nuam thin ngawt mai. Nitin matching thlap thlapa inchei ziah tur chuan a hautak khawp ang a, mahse mi tam zawk te hi chuan kan tum tlat bawk si. A chang phei chuan sum neihin a daih lova a ba ten kan la leh mai bawk a. Tin, bat tur lah a lo awm ve leh zel bawk nen. A duh special zualte phei chuan sum siamna awlsam leh hlawk zawkte an ngaihtuah phah ta mai thin erawh hi chu a pawi ta deuh a ni. Thawh chhuahin a daih tawh miau si lova, mawi duh vangin Pathian pawi sawite pawh an lo awm phah ta hial a ni! Chantawk a lungawi a van tul tak em. Lalpan min dahna theuh hi kan tan a tha a ni tih hi chhut chian a van pawimawh em.

      Midangte ngaihsak chunga inchei thiam hi a pawimawh hle in ka hre ve a. Neih em vanga englai pawha nalh reng mai hi chuan kan bula awm nalh ve reng thei lo te rilru a hliam thei a ni tih hre reng chungin a hun leh hmun kan thliar thiam a pawimawh khawp mai. Missonary-te pawh an awmna rama mite inchei dan anga an inchei chuan a dan a dang sawt thin ang deuh hian keini ringtu / rawngbawltute pawh hian kan thian dangte milpui deuhva kan inchei thin a tha ngawtin ka ring. Kohhran leh thalai a inhmang ve chak tak takte kan lo ti inthlahrung palh a nih chuan a pawi dawn em mai.

      Aw le, keini vengah hi chuan buaipui ngai khawp leh sawizui rauh rauh tur khawp a inchei chu kan awm pawh ka hre ngai chiah lova. Amaherawh chu tun atanga kan in en erawh chu a tulin ka hria. Mizo kan ni a Christian kan ni bawk si. Engpawhnisela, chantawka lungawi thiam hi pawimawh ka ti a., Tin, mi dang teh chunga rawngbawl lovin. A rawng kan bawl Isua en chungin engkim ti thin ila, chu chu kan incheina mawi tak alo ni ngei ang. ‘Lal Isua nen engkim a ropui’ kan ti thin a ni lawm ni? Amah en chungin kan nitin hun hmang ila tichuan engkim a lo fel mai dawn a ni..

Sermon (26.09.10)

CHHUNGKUAA LALPA TIH- HNAM DAMNA

(Josua 24:14-15, II Tim. 1:3-5)

: Upa H.Roenga

     Mizoram hi Kristian Ram kan inti a. Kan vantlang nih hona pawh kan ti Kristian thiam viau mai. Pawl tin hian Committee leh tihho pawimawh kan neihin, a bul tan nan Pathian hnenah kan inkawltir thin. A tha khawp mai. Pathianniah mahni hnathawh chawlhsanin Biak In lam kan pan sung sung a, a mawiin a ropuii hle. Mahse Chhungkaw tin hi han inbih chiang ila, chhungkaw tha chu kan lo ni vek si lo. Chhungkaw suala insawi chu tuman kan duh bawk si lo. Kristian chhungkaw tha chu ni vek ila, kan vantlang leh hnam dam lohna hi kiang deuh duak awm tak le ! Mahse a ni si lo.

        Chhungkuaa Kristiana inpek hi chu a sam khawp mai; Kristian Chhungkua tak erawh kan ni vek si lo. Pathian rawngbawltu chhungkua te hi chu that deuh awl bik awm takin a ngaih theih, chu pawh chu a ni thei chiah bawk si lo. Kristian Chhungkaw chungchang hi kan zir tam viau va, zir zawh sen leh zir hriata tawk mai a lo ni bawk si lo.

        1. CHHUNGKAW THA CHUAN PATHIAN AN TIH:Josua chuan chhungkaw pa ber a nihna dinhmun luah zovin, "Kei leh ka chhungte erawh chuan Lalpa rawng a nia kan bawl dawn ni" tiin a puang thei a.Chhungkaw nih dan tur kha a puangtu tur pawh a ni reng a ni. (Jos. 24:15)

Davida chuan, "Ka in chhungah thinlung tha famkim puin ka awm ang a, thil tha lo reng reng ka mit hmuhah ka dah lo vang" a ti (Sam 101:2-3). A duh vang ni hauh lovin an chhungkuaah thil tha lo tak tak a thleng thin ve tho mai; mahse Pathian hnenah a tlu lut zel a. Ama theihna rinchhan lovin, Pathian a rinchhan tlat zel thin.

       Abrahama chu koh a nihin, a thlen tur a hria a. A kalkawng erawh a hre bik lo. A kotu a ringhlel lo va, a kal mai a ni.

       Keini pawh Pathian chhungte (Kristian chhungkua) ni tura Lalpan min kohvin, min kotu kan hria a, kan thlen chin tur Vanram kan hria a. Kan kalkawng tur chu kan hre lawk lo. Chhungkuaah harsatna awm thei hre lawk lo mah ila, Lalpa kuta kan inpek luh ngam phawt chuan kan chhungkua Lalpan min hruai ang.

      Beidawnnain min hneh mai tur a ni lo.Kohhrana Hmeichiate leh Kohhranpui hmalaknain kum 40 lai Kristian chhungkaw thu hi kan zir tawh; vawiin thleng hian kan beisei angin a sawtna kan hmu lo mai thei. A sawt chin chu a awm ngei ang. Mizote zinga hmeichhe lam hmasawnna heti taka a thang chak pawh hi Lalpa lawm zawng hna an thawh avangin Pathianin hmeichhiate chungah malsawmna a thlen niin ka ring thin.

Heng zawhnate atang hian mahni chhungkua theuh i inen fiah dawn teh ang le!

 (1) Kan chhungkua kan hlim tlang em ?

(2) Kan ina thutna nuam tak te aiin hmun dang nuam lo zawka thu tam zawk kan chhungkuaah an awm em?

(3) Kan ina ei tur tha leh tui zawk ei aiin, chaw ei mumal lova hmun danga awm thin kan chhungkuaah kan awm em?

(4) Mutna kan nei nuam sawt hle laiin kan mut a tui ta sawt em?

Unaute inngeih dial diala awm khawm hi a va hlu-in a va nuam em! (Sam 133:1)

      2. CHHUNGKAW THA BELH KHAWM- HNAM DAMNA

Kan Mizo hnam dam nan leh din chhuah nan kawng hrang hrangin tan ka la thin hi a tha e. British Sorkarin kum 1875-a ILR/ILP min lo siam sak te hi hman thiam chuan a tha e. Politics atangin thenkhatin tan an la a; thenkhatin Economics lam atangin; thenkhatin hlemhletna dozawngin; Ruih theih thil chi hrang hrang do zawngin thenkhatin tan an la- a tha vek mai. Mahse kan hnam hi a dam chuang si lo. Hmeichhe awmkhawlo (KS) thenkhatte hi chu chenna tur pawh nei lo, hawna tur mumal nei lo te niin an sawi- rilru a na ngawt mai ! Mipat-Hmeichhiatna (sex) hman duhdah vangin HIV/AIDS a pung chak tihte hian rilru a ti na. He kan hnam hi a dam lo a ni. Heng kan hnam dam lohna chi hrang hrang – ruihhlo vanga tawrhna te, sex hman dik lovin a nghawng tha lo tak tak te, rukruk te, tual thah te, mahni intihhlum, adt hi amah tak luh chilh zawnga tihreh tum te hi a tha tho ve.

      Ngaihdan ka neih ve reng thin chu- Chhungkaw tinte hian kan chhungkaw nun hneh khawpin Lalpa tihna (Chanchin Tha ) hi kan in chhung khurah kan lakluh tak tak loh chuan kan hnam hi a dam lovang tih ka ring thin.

       Biak Ina inkhawm fo thin siin, Pathian hnena thilpek pe reng tho siin, Buhfai tham tham reng tho siin Kristian Chhungkaw tha kan ni thei chuang si lo. Chhungkaw member tin hi Krista Lalnain min thunun se, Chhungkaw tinah Krista Lalber zel se. Paulan, "In awm dan chu Krsta Chanchin Tha nen inmawi phawt rawh se" a tih hi kan nun dan phung a nih hunah kan hnam damna a lo thleng ang. Kan vantlang nuna thil tha lo kan sawi kan swi a, kan nin em em te hi amah dova beih hi a sawtna chin chu a awm ve bawk ang. Kan hnam hi Chanchin Thain a zawn chhuah a, a tun dina a chenchilh a nih avang hian Chanchin Tha (Lalpa tihna) avang lo chuan a dam tak tak lovang. Chhungkaw tin hi Krista lalna chhungkua kan lo nih a, Member tinte Krista chanchin Tha nen inrema a kal dik hunah chuan Politics a kal dik ang a, kan society a kal dik ang a; jail awm a ngai tawh lo vang a, Police Department hna a tlem sawt ang a; VDP awm a ngai lo vang a, YMA hna a hahdam sawt tawh ang. Kristian chhungkaw tha ni vek ila MLTP Act a awm a tul lovang a; Sorkar sum hi ram tana hna tha atan hman vek a lo ni ang a. Kan hnam hi a lo dam tawh ang a. Mizoram hi Krista Lalna ram a lo ni tawh ang a; a va nuam dawn em!