Kar kalta khan kan rawngbawlpui pakhat hnen atangin message bengvarthlak tak mai ka dawng a, Hetiang hian, “ Tunthla hian Pathianni vawi -5, Thawhtanni vawi -5, Thawhlehni vawi -5 a awm a, tun thla ang hi kum 800 danah chauh a thleng thin.” tih hi a lo ni a. Thla ropui tak leh chhinchhiahtlak tak chu a ni ngei mai.
Mahse...Tunlai kan Kristian nunah hian Pathianni tam te hi, phurrit min belhtu-ah kan ngai ta mai em? Pathian tana inserhhranna hun tam pawh hi kan mil ta chiah lo te pawn a ngaih theih hial ta, Keini, A hminga he chanchinbu enkawltute, Kohhran mipuite tana thu leh hla leh hmanraw tangkai taka tang reng turte ngei pawh hian Pathianni vawi nga a awm tum hi chuan kan huphurh ru thin hle mai !!! Hmeichhe Inkhawm, KTP Inkhawm, Fellowship etc. atana programme duang ve thine hian kan harsat ve viau thin em? Kan inpek tawk loh vang a ni thei ang em le?
Ni e,Kan nun theuh hian in enfiah kan mamawh em? Bang lova Pathian faka hlim leh lawm taka Vanram-a kan la len ve theihna tur atana kan in-buatsaihna he lei Kohhranah hi chuan, Inkhawm leh kan mawhphurhna hrang hrangah te hian kan hai ngun hle lawi si. Inenfiah fo kan va ngai em.
No comments:
Post a Comment