Article (22.08.2010)

‘KRISTA KHAWNGAIHNA CHANGTUTE’ CHANCHIN TLANGPUI


: P.C Lalhmangaihthanga,

Secretary, CCKK

        ‘Krista Khawngaihna Changtute’ hi mi thahnemngai mi 8/9 velin ‘Thian pawlho’ tia in vuahin Pathian leh a Kohhran a lo chak lehzual beisei leh Pathian leh a Kohhran belh nachang hre lo / tum lo ten Pathian leh a Kohhran te an lo belh theih nan tiin Dt. 11.06.2007 khan Kohhran Committee hnenah pawl din dilna an theh lut a. Tichuan, ni. 05.07.2007 a Kohhran Committee chuan pawl din hi an lo phal a, pawl hmingah KRISTA KHAWNGAIHNA CHANG TUTE tih chu an lo thlang ta a ni. Senior Adviser atan Upa V. Lalzawmliana leh Upa H.Roenga min lo ruatsak nghal bawk a ni.

      ‘Krista Khawngaihna Changtute’ Committee hmasa ber chuan Adviser atan Pu H.Lalchungnunga, Pu R.Khawkunga leh Pu B.Lalhmangaiha a ruat belh bawk a. Tichuan ‘Krista Khawngaihna Changtute’ hi Team anga kal an nih avangin Speaker neih nise tih a ni a. Speaker atan Pu H.Lalchungnunga chu lawm taka ruat a ni bawk a ni. Tin, Team in Pathian thua innghahna neih nise a ti a, innghahna thu atan I Korinth 4:1 “Keiniho hi Krista Rawngbawltuah leh Pathian thutak enkawl tuah miin min ngai rawh se” tih chu thlan a ni bawk a ni.

He Team hian thil tum leh dan fel tak inkaihhruaina a nei a, a thil tumte chu :

1) Kohhrana mi hlate hnuh hnaih.
2) Chhandamna la chang lo ten chhandamna an chan theih nana Pathian rinchhana chhandamna kawng kawh hmuh.
3) Rinna kawnga hnung tawlhte tanpui.
4) Krista khawngaihna chang tute member-ah hian tupawh Pathian khawngaihna changtu nia inhria, naupangte atanga tar thlenga tel theih a ni.

Tin, Krista Khawngaihna Changtute hi chawlhkar tin ninga zan apiangin Inkhawmna neih thin a ni a. Nilaithawhtan zan-ah lo chuan mimal inah emaw Pathian Biak In ah tawngtaina hun an hmang thin. He huna lo tel tur hian Kohharan mipui zawng zawng te kan sawm che u a ni. Tawngtaipui ngai emaw Inkhawm sawm duhna nei chuan Phone. 9862913901, 9862006815, 9612324432-ah SMS emaw, phone hmangin emaw a inhriattir theih reng bawk a ni. Kan rawngbawlna zel turah Kohhran mipuite in tawngtaipuina leh in thurawn a tam thei ang ber min hlan turin kan ngen a che u. Nimin nileng khan Retreat, hlawhtling takin an nei bawk.