Kumthar Thuchah

KUM THAR THUCHAH

                                 
                                                                                        : Pastor B. Sangthanga

Lei mite hun chhiara hun thar, kum 2011kan lo chuang kai leh ta reng mai! He hun thar lawmawm takah hian Kohhranho chibai ka buk a. He kum thar hi malsawmna kum ni turin duhsakna ka hlan theuh bawk a che u.

He hun thar hi thlir dan chi hrang hrang a awm. William Shakespeare khan thil pawimawh tak a sawi chu, "Mi fingte chuan an hloh tawh thlir leh nghakin an thu khawtlai mai mai ngai lova; hun lomkal leh tur chu engtin nge tha zawka ka hman ang, tiin hli takin an thlir thin," a ti a. Hun kal tawha kan tihsual leh fel lohna te atanga tihdan tha zawk zir zelin he hun thar hi tangkai leh tha zawka hmang turin i inbuatsaih ang u.

     Kohranho pawhin kum thar atan rawngbawltu kan inruat leh ta a. Hei hi Sorkar-in a hnathawkte a siksawi anga ngaihfin loh a tha. Kohhranho chuan rawngbawltu hi kum khat atan zel kan inla thin anih kha. kan chanvo chu a ngai a ni emaw a thar a ni emaw pawh nise rilru tharin inpekna thar nen i thlir ang u.

     Thilpek rawngbawlna leh Kohhran inkhawm thlirin tan lak thar a ngai hle bawk. Kohhran mite zingah kum tlana thilpek pe ngai lo kan la awm nual a. Tin, kum khatah vawi khat chauh pe pawh kan la awm nual bawk. Kan thurin-in ringtute tihtur pawimawh tak a sawi chu "Pathian malsawmna an dawn ang zela pek let ve" tih a ni a. Hlimna te, hriselna te leh hun thate min petu kan Pathian tan tlem lua awm lovin pek ve i tum ang u. Tin, Kohhran inkhawm, Sunday School leh zing tawngtai inkhawm ahte pawh kan fual hret hret niin a lang. Bul tan that hlutna leh pawimawhzia hriainkum thar ni khat atang hian Pathian lawm tlak (Rom 12/:2) ngeiin nun i tum ang u. "I awm dan tur chu Lalpa chungah nghat la; Amah chu ring la, Ama’n a ti vek ang" (Sam 37:5)

Sermon

Fuihna Thu A? Engnge Kan Sawi Tak Ang Le?

- Lalremruata Ralte,

Leader, Branch KTP

.

"Engnge kan sawi tak ang le, Khawngaihna chu a pun lehzual theihnan sualin kan awm reng dawn em ni" (Rom 6:1)

     Kum a thar a, taksa a upa sawt a, rilru lam hmasawnna erawh puak chhuah a har hle a. Thinlung lam chuan hmasawn ngaihna lai a dap hmu zung zung a, taksaa umzui erawh a harsat dan a ngai reng si a. Calendar-in hun bi thar min chuankaipui hi taksa sana chuan ‘thil thar’ angin a hre ve mang lova, a upat belh sawt tih chauh a lo ni thin. Amah Lal Isua bawkin a hre chiang a niang e, "....thlarau zawngin a peih a, tisa erawh chu a chak lo a ni"(Mat. 26:41) tiin a lo sawi diam mai.

Hetiang hunah hian kan chanchinbu enkawltuten fuihna thu min beisei chu a nia le! A harsa thin mange!

     Thil tha leh tihtur tha, awmdan mawi zawk leh kan tih awm te, hruaitu nih awmzia leh tlawmngaihnain a ken tel tam tak te hi inhrilh nawn tu mah kan ngai lo va, peih lohna avang te, tul dang kan ngah thin em avang te, midang rin nuam kan tih zawk vang te, thawh chhuah aia mahni leh mahni inthiam chawp chunga awl te hi a nawm zawk thin avang te hian ‘chak lo’ nih kan hlawh mai thin a lo ni zawk. Ngaihtuahna seng chiam lova pen khat lek pen belhin kan tihtur hlen mai tur kan nih lai hian kan rilruin kan ching let ta chiam thin emaw ni - tihtur tul dang leh taksa nawmsam loh deuh te chu a langsar zawk duh hle mai thin zawng a ni. Tu mah hi kan bang chuang lo ve! Kan hriat hnu vek a nih lai hian infuih thar kan lo ngai reng a, he thu ziaktu ngei pawh hian midang aiin a mamawh lo chuang lo mai ni lovin, a mamawh zaw ber awm asin!

     1. Chanvo tihhlawhtlin chauh a tawk lo : Nem takin bul kan tan a, na takin intur hmasa si teh ang. Rawngbawltu tan mahni ko-a chanvo tla chu phurh zawh tum hram tur a nih laiin, kan ko-a chanvo tla chauha duh tawk ta mai hi kohhranah leh a hnuaia Sub-Committee hrang hrangah kan awm ta fo niin a hriat theih a, KTP-ah pawh kan bang hauh lo mai.

     Branch KTP hnuaiah pawh Group leh Sub-Committee hrang hrangah kan tel leh thliah ang. Chungah chuan kan telna leh mawhphurhna san bikna lai chu a awm ngei a, ngaih pawimawh hmasaka kan neih pawh a dik ang. Nimahsela, kohhran inkhawm leh programme dang te, Branch KTP-in activity dang tam tak a neihte laka ralban phah nan chuan hman hauh tur a ni ngai lo ve - hei hi a bikin Branch leh Group Committee chin phei chuan hriat hram hram i tum tlang ang u. Committee-in hmalakna tur a chhawp tihhlawhtlin kawngah chuan kan zavaiin mawh kan phur tlang vek thin anih kha. Tlai deuh bik thin pawl nih reng mai te, thian kawp bikte nena hnufual deuh leh a inbawl hrang deuha khawsak te hi hruaitu nihna tihhlawhtlin dan letling zawk a ni tih hriat nawn kan mamawh ta niin a lang.

     2. I sulhnu hnutchhiah chiah hi i naute leh i faten an la rawn zui dawn : He thupui hi chhiar nawn leh la, ngaihtuah nawn leh teh. Mahni infuihthar nana ngaihtuah tul tak, engtik lai pawha pawimawh, eng hnam tan pawha dik, mihring zawng zawng kalphung atana Pathian remruat a nia sin! Sawi zui tam pawh a ngai lo ve, a kawh tum chu a chiang nghal em em mai. Mi inpe chuan entawn tur a hnutchhiah tam a, mi dawngdah chuan hnungzuitu tlak a hnutchhiah lo mai ni lovin, a hnungzuitu tur thlah sawi tur a nei lo fo zawk thin. Tuna kan rawngbawl dan hi kan naute leh fate rawn entawn atana tha tawkah kan ngai em le? Kan tih ang chiah hian rawn chhunzawm ta se kan lawm ang nge kan duhkhawp lovang? Tuna rawngbawlna ka kalpui dan hi kan kohhran leh Branch KTP kal zel dan tur atan tha ka ti tawk em? Inenfiahna tur a tam hle mai! I tih, i sawi, i ngaihtuah dan phung kha i fate kalphung rawn zui tur a lo ni e.

     3. Kalvari-a inpe kha i tana inpe a ni : Kalvari Kraws-a thih thlenga tuarsaktu che Isua kha i rawngbawl hna hmangin i chhang let thei a, a tana i inpek theihna kawng tam tak zinga langsar leh pawimawh ber chu kohhran leh KTP kaltlanga a rawng i bawlsak danah a innghat. Rawngbawl hnaa peih loh leh chhuanlam ngah viau te hian an thinlung khawih tak Thlarau pawlna leh lawmna thar an dawng khat khawp asin! A thawk tam tam hian lawmna an chhar tam a, an kalsan tak tul dang tam tak kha an aiawha thi khan a lo chinfelsak tam zawk daih zel zuk nia.

     Rulh zawh sen chi emaw thiltih hmanga kan chatuan nunna chu sual chhuah lam zawng kan sawi lo ve, kan rul zo ngai lovanga, kan chhandamna sual chhuah ve lah a tina tin chhin chi a ni hek lo. Kan Bible chang thlana Tirhkoh Paul-a sawi ang deuhin khawngaihna tawp thei lo hian sual eng pawh a ngaidam thei a, sual leh thin mahse sim apianga lo ngaidam leh thin tur khawpa khawngaihna nasa a ni. Nimahsela chu chuan khawngaihna leh ngaihdamna a awm zel theih nana sual zual zel lam chu a kawk lovang. Hmangaihna chhan let dan tur a ni dawn em ni? I hmangaih chuan hnar zel che sela engtianga na nge i tawrh ang? I tana inpe chu dawngdah takin a rawng i bawlsak dawn em ni?

     I nu leh pa leh i unauten an ngaidam lehin an khawngaih leh dawn tho che tih hriain i sual chhunzawm zel dawn em ni? Nge ni dawn a, an hmangaihna che chhang let turin chhungkaw tan theihtawp i chhuah ve tawh dawn? Lungngaia lawm thin thinlung nei Pa Pathian, kan aiawha inpe zo vek Fapa Isua leh englai pawha min pui tura inring reng Thlarau Thianghlim tan hian inpekna thar nen he kum thar hi i hmachhawn tlang ang u.

02.01.2011 - Kumthar Thuchah

: Pastor B. Sangthanga

     Lei mite hun chhiara hun thar, kum 2011kan lo chuang kai leh ta reng mai! He hun thar lawmawm takah hian Kohhranho chibai ka buk a. He kum thar hi malsawmna kum ni turin duhsakna ka hlan theuh bawk a che u.

     He hun thar hi thlir dan chi hrang hrang a awm. William Shakespeare khan thil pawimawh tak a sawi chu, "Mi fingte chuan an hloh tawh thlir leh nghakin an thu khawtlai mai mai ngai lova; hun lomkal leh tur chu engtin nge tha zawka ka hman ang, tiin hli takin an thlir thin," a ti a. Hun kal tawha kan tihsual leh fel lohna te atanga tihdan tha zawk zir zelin he hun thar hi tangkai leh tha zawka hmang turin i inbuatsaih ang u.

    

     Kohranho pawhin kum thar atan rawngbawltu kan inruat leh ta a. Hei hi Sorkar-in a hnathawkte a siksawi anga ngaihfin loh a tha. Kohhranho chuan rawngbawltu hi kum khat atan zel kan inla thin anih kha. kan chanvo chu a ngai a ni emaw a thar a ni emaw pawh nise rilru tharin inpekna thar nen i thlir ang u.

     Thilpek rawngbawlna leh Kohhran inkhawm thlirin tan lak thar a ngai hle bawk. Kohhran mite zingah kum tlana thilpek pe ngai lo kan la awm nual a. Tin, kum khatah vawi khat chauh pe pawh kan la awm nual bawk. Kan thurin-in ringtute tihtur pawimawh tak a sawi chu "Pathian malsawmna an dawn ang zela pek let ve" tih a ni a. Hlimna te, hriselna te leh hun thate min petu kan Pathian tan tlem lua awm lovin pek ve i tum ang u. Tin, Kohhran inkhawm, Sunday School leh zing tawngtai inkhawm ahte pawh kan fual hret hret niin a lang. Bul tan that hlutna leh pawimawhzia hriainkum thar ni khat atang hian Pathian lawm tlak (Rom 12/:2) ngeiin nun i tum ang u. "I awm dan tur chu Lalpa chungah nghat la; Amah chu ring la, Ama’n a ti vek ang" (Sam 37:5)

KUM THAR THUCHAH

02.01.2011 - Sermon

Fuihna Thu A? Engnge Kan Sawi Tak Ang Le?

- Lalremruata Ralte,

Leader, Branch KTP.

"Engnge kan sawi tak ang le, Khawngaihna chu a pun lehzual theihnan sualin kan awm reng dawn em ni" (Rom 6:1)

     Kum a thar a, taksa a upa sawt a, rilru lam hmasawnna erawh puak chhuah a har hle a. Thinlung lam chuan hmasawn ngaihna lai a dap hmu zung zung a, taksaa umzui erawh a harsat dan a ngai reng si a. Calendar-in hun bi thar min chuankaipui hi taksa sana chuan ‘thil thar’ angin a hre ve mang lova, a upat belh sawt tih chauh a lo ni thin. Amah Lal Isua bawkin a hre chiang a niang e, "....thlarau zawngin a peih a, tisa erawh chu a chak lo a ni"(Mat. 26:41) tiin a lo sawi diam mai.

     Hetiang hunah hian kan chanchinbu enkawltuten fuihna thu min beisei chu a nia le! A harsa thin mange!

     Thil tha leh tihtur tha, awmdan mawi zawk leh kan tih awm te, hruaitu nih awmzia leh tlawmngaihnain a ken tel tam tak te hi inhrilh nawn tu mah kan ngai lo va, peih lohna avang te, tul dang kan ngah thin em avang te, midang rin nuam kan tih zawk vang te, thawh chhuah aia mahni leh mahni inthiam chawp chunga awl te hi a nawm zawk thin avang te hian ‘chak lo’ nih kan hlawh mai thin a lo ni zawk. Ngaihtuahna seng chiam lova pen khat lek pen belhin kan tihtur hlen mai tur kan nih lai hian kan rilruin kan ching let ta chiam thin emaw ni - tihtur tul dang leh taksa nawmsam loh deuh te chu a langsar zawk duh hle mai thin zawng a ni. Tu mah hi kan bang chuang lo ve! Kan hriat hnu vek a nih lai hian infuih thar kan lo ngai reng a, he thu ziaktu ngei pawh hian midang aiin a mamawh lo chuang lo mai ni lovin, a mamawh zaw ber awm asin!

     1. Chanvo tihhlawhtlin chauh a tawk lo : Nem takin bul kan tan a, na takin intur hmasa si teh ang. Rawngbawltu tan mahni ko-a chanvo tla chu phurh zawh tum hram tur a nih laiin, kan ko-a chanvo tla chauha duh tawk ta mai hi kohhranah leh a hnuaia Sub-Committee hrang hrangah kan awm ta fo niin a hriat theih a, KTP-ah pawh kan bang hauh lo mai.

     Branch KTP hnuaiah pawh Group leh Sub-Committee hrang hrangah kan tel leh thliah ang. Chungah chuan kan telna leh mawhphurhna san bikna lai chu a awm ngei a, ngaih pawimawh hmasaka kan neih pawh a dik ang. Nimahsela, kohhran inkhawm leh programme dang te, Branch KTP-in activity dang tam tak a neihte laka ralban phah nan chuan hman hauh tur a ni ngai lo ve - hei hi a bikin Branch leh Group Committee chin phei chuan hriat hram hram i tum tlang ang u. Committee-in hmalakna tur a chhawp tihhlawhtlin kawngah chuan kan zavaiin mawh kan phur tlang vek thin anih kha. Tlai deuh bik thin pawl nih reng mai te, thian kawp bikte nena hnufual deuh leh a inbawl hrang deuha khawsak te hi hruaitu nihna tihhlawhtlin dan letling zawk a ni tih hriat nawn kan mamawh ta niin a lang.

     2. I sulhnu hnutchhiah chiah hi i naute leh i faten an la rawn zui dawn : He thupui hi chhiar nawn leh la, ngaihtuah nawn leh teh. Mahni infuihthar nana ngaihtuah tul tak, engtik lai pawha pawimawh, eng hnam tan pawha dik, mihring zawng zawng kalphung atana Pathian remruat a nia sin! Sawi zui tam pawh a ngai lo ve, a kawh tum chu a chiang nghal em em mai. Mi inpe chuan entawn tur a hnutchhiah tam a, mi dawngdah chuan hnungzuitu tlak a hnutchhiah lo mai ni lovin, a hnungzuitu tur thlah sawi tur a nei lo fo zawk thin. Tuna kan rawngbawl dan hi kan naute leh fate rawn entawn atana tha tawkah kan ngai em le? Kan tih ang chiah hian rawn chhunzawm ta se kan lawm ang nge kan duhkhawp lovang? Tuna rawngbawlna ka kalpui dan hi kan kohhran leh Branch KTP kal zel dan tur atan tha ka ti tawk em? Inenfiahna tur a tam hle mai! I tih, i sawi, i ngaihtuah dan phung kha i fate kalphung rawn zui tur a lo ni e.

     3. Kalvari-a inpe kha i tana inpe a ni : Kalvari Kraws-a thih thlenga tuarsaktu che Isua kha i rawngbawl hna hmangin i chhang let thei a, a tana i inpek theihna kawng tam tak zinga langsar leh pawimawh ber chu kohhran leh KTP kaltlanga a rawng i bawlsak danah a innghat. Rawngbawl hnaa peih loh leh chhuanlam ngah viau te hian an thinlung khawih tak Thlarau pawlna leh lawmna thar an dawng khat khawp asin! A thawk tam tam hian lawmna an chhar tam a, an kalsan tak tul dang tam tak kha an aiawha thi khan a lo chinfelsak tam zawk daih zel zuk nia.

     Rulh zawh sen chi emaw thiltih hmanga kan chatuan nunna chu sual chhuah lam zawng kan sawi lo ve, kan rul zo ngai lovanga, kan chhandamna sual chhuah ve lah a tina tin chhin chi a ni hek lo. Kan Bible chang thlana Tirhkoh Paul-a sawi ang deuhin khawngaihna tawp thei lo hian sual eng pawh a ngaidam thei a, sual leh thin mahse sim apianga lo ngaidam leh thin tur khawpa khawngaihna nasa a ni. Nimahsela chu chuan khawngaihna leh ngaihdamna a awm zel theih nana sual zual zel lam chu a kawk lovang. Hmangaihna chhan let dan tur a ni dawn em ni? I hmangaih chuan hnar zel che sela engtianga na nge i tawrh ang? I tana inpe chu dawngdah takin a rawng i bawlsak dawn em ni?

     I nu leh pa leh i unauten an ngaidam lehin an khawngaih leh dawn tho che tih hriain i sual chhunzawm zel dawn em ni? Nge ni dawn a, an hmangaihna che chhang let turin chhungkaw tan theihtawp i chhuah ve tawh dawn? Lungngaia lawm thin thinlung nei Pa Pathian, kan aiawha inpe zo vek Fapa Isua leh englai pawha min pui tura inring reng Thlarau Thianghlim tan hian inpekna thar nen he kum thar hi i hmachhawn tlang ang u.

Editorial (02.01.2011)

 

       Buaina,harsatna, lungngaihna, hlimna leh lawmna te paltlang in mihringte kum chhiara kum 2010 chu kan lo hmang zo ta reng mai a, Pathian hruaina hmu thiam tan chuan lawmthu sawi tur a va tam em.

      A bikin Horeb pawh enkawltu tha tak ten hnuhma tha tak tak hnutchhiah chungin kum 2010 an mangtha ve ta a, Pathhianin hruaitute kaltlanga Horeb enkawltu thar tur a ruat te pawn huphurh tak chungin kum 2011 chu kan kal chhoh tan a lo ngai ta a, Editor hlui uapna hnuaiah Issue hmasa ber chu kan han sual tlu ve hram a, eng tak ang ang zel ang maw.

      Kohhran mipui ten Horeb kan hlut dan leh kan chik dan a inchen lo thei viau ang tih ring chungin mi tlemte chik tak leh hlut taka lo chhiar thin te avang tal pawn kumin hian kum danga enkawltu ten uluk tak leh fimkhur taka an lo enkawl tawh ang in kumin pawh hian uluk tak leh fimkhur takin, chhiartu tute tan pawha chhenfakawm a nih theih nan enkawltuten enkawl kan tum anga, tawngtaipuina leh finchhuahna kan mamawh reng dawn a ni tih pawh min hriat sak turin kan ngen nghal bawk e.